Read nynorsk 1938 Fyrste Krønikebok 4 Bible Online

Fyrste Krønikebok 4 - nynorsk 1938 bible

Fyrste Krønikebok 4

¹Sønene åt Juda var Peres, Hesron og Karmi og Hur og Sobal.

²Reaja, son åt Sobal, fekk sonen Jahat, og Jahat fekk sønene Ahumai og Lahad; dette var soratit-ættene.

³Og dette var Abi-Etams-ættene: Jisre'el og Jisma og Jidbas; og dei hadde ei syster som heitte Haslelponi.

⁴Og Pnuel var far åt Gedor, og Eser var far åt Husa; dei var søner åt Hur, eldste son hennar Efrata og far åt Betlehem.

⁵Ashur, far åt Tekoa, hadde tvo konor, Hela og Na'ara.

⁶Med Na'ara fekk han Ahussam og Hefer og Temeni og Ahastari; dette var sønene hennar Na'ara.

⁷Sønene hennar Hela var Seret og Jishar og Etnan.

⁸Og Kos vart far til Anub og Hassobeba og ættene hans Aharhel, son åt Harum.

⁹Jabes var halden gjævare enn brørne sine; mor hans hadde gjeve han namnet Jabes, med di ho sa: Med verk og vande hev eg ått han. /[11]

¹⁰Og Jabes kalla på Israels Gud og sa: Å, um du vilde velsigna meg, auka landviddi mi og lata di hand vera med meg, og um du vilde laga det so at ingi ulukke kom yver meg, og eg slapp å kjenna nokon verk! Og Gud let det ganga so som han bad.

¹¹Kelub, bror hans Suha, fekk sonen Mehir, han var far åt Eston.

¹²Og Eston var far til Bet-Rafa, Paseah og Tehinna, far åt Ir-Nahas. Dette var mennene frå Reka.

¹³Sønene hans Kenas var Otniel og Seraja, og son åt Otniel var Hatat.

¹⁴Og Meonotai fekk sonen Ofra, og Seraja fekk sonen Joab, som vart far til ætti i Timbremannsdalen; for dei var timbremenner.

¹⁵Sønene hans Kaleb Jefunneson var Iru, Ela og Na'am, og son åt Ela var Kenas.

¹⁶Sønene hans Jehallelel var Sif og Sifa, Tirja og Asarel.

¹⁷Sønene hans Esra var Jeter og Mered og Efer og Jalon. Og ho vart med barn og åtte Mirjam og Sammai og Jisbah, far åt Estemoa. /[12]

¹⁸Jøde-kona hans åtte Jered, far åt Gedor, og Heber, far åt Soko, og Jekutiel, far åt Sanoah; men dei hine var søner åt Bitja, dotter åt Farao, som Mered hadde teke til kona. /[13]

¹⁹Sønene åt kona hans Hodija, syster hans Naham, var far åt Ke'ila, garmiten, og Estemoa, ma'akatiten.

²⁰Sønene hans Simon var Amnon og Rinna, Ben-Hanan og Tulon. Sønene hans Jisi var Sohet og son åt Sohet.

²¹Sønene hans Sela Judason var Er, far åt Leka, og Lada, far åt Maresa, og dei ættene som høyrde til bomullsarbeidar-huset av Asbea-ætti,

²²og Jokim og mennene i Koseba og Joas og Saraf, som rådde yver Moab, og Jasubi-Lehem. Men dette er gamle hendingar.

²³Dei var pottemakarar, desse folki, og budde i Neta'im og Gedera; dei budde der hjå kongen og var i hans tenesta.

²⁴Sønene hans Simeon var Nemuel og Jamin, Jarib, Serah og Saul.

²⁵Hans son var Sallum; hans son var Mibsam; hans son var Misma.

²⁶Sønene åt Misma var Hammuel, son hans, Sakkur, hans son, og Sime'i, hans son.

²⁷Sime'i hadde sekstan søner og seks døtter; men brørne hans hadde ikkje mange søner, so heile ætti deira aukast ikkje so mykje som Juda-sønene.

²⁸Dei budde i Be'erseba og Molada og Hasar-Sual

²⁹og i Bilha og Esem og Tolad

³⁰og i Betuel og Horma og Siklag

³¹og i Bet-Markabot og Hasar-Susim og Bet-Biri og Sa-ara'im - det var byane dei åtte, alt til David vart konge -

³²med landsbyane som låg ikring, og i Etam og A'in og Rimmon og Token og Asan - fem byar -

³³og alle landsbyane som låg ikring desse byane, alt til Ba'al. Dette var bustadene deira, og dei hadde si eigi ættelista.

³⁴Mesobab og Jamlek og Josa, son åt Amasja,

³⁵og Joel og Jehu, son åt Josibja, som var son åt Seraja Asielsson,

³⁶og Eljoenai og Ja'akoba og Jesohaja og Asaja og Adiel og Jesimiel og Benaja

³⁷og Sisa, son åt Sifi, som var son åt Allon, som var son åt Jedaja, som var son åt Simri, som var son åt Semaja -

³⁸desse som her er nemnde på namn, var hovdingar i ættene sine, og lydane deira breidde seg ut og vart mangmente.

³⁹Dei drog av stad burtimot mot Gedor alt til austsida av dalen og vilde finna beite for småfeet sitt.

⁴⁰Og dei fann feitt og godt beite der. Landet var vidt og romt, og det var roleg og stilt der; for dei som budde der fyrr, høyrde til Kams-ætti.

⁴¹Men i den tidi då Esekias var konge i Juda, kom dei som her er uppskrivne med namn, og øydde tjeldbuene deira og hogg ned dei meunitane som var der, og bannstøytte dei, so dei no ikkje er til meir; so busette dei seg der i landet; for der var det beite for småfeet deira. /[14]

⁴²Sidan drog fem hundrad mann av dei - av Simeons-borni - til Se'irfjelli, og Pelatja og Nearja og Refaja og Ussiel, sønene åt Jisi, styrde ferdi.

⁴³Dei hogg ned resten av dei amalekitane som hadde kome seg undan; so slo dei seg ned der og hev vorte buande der til denne dag.