Read nynorsk 1938 Fyrste Krønikebok 9 Bible Online

Fyrste Krønikebok 9 - nynorsk 1938 bible

Fyrste Krønikebok 9

¹Alle Israels-menner var innførde i ættelistor; dei er, som me veit, uppskrivne i boki åt Israels-kongane. Då Juda-mennene vart førde av til Babel for skuld svikferdi si,

²var sume av den gamle landslyden buande på eigedomen sin, i byane sine; det var nokre menner av folket og prestar og levitar og tempelsveinar.

³I Jerusalem budde nokre av Juda-borni og av Benjamins-borni og av Efra'ims- og Manasse-borni. Det var:

⁴Utai, son åt Ammihud, son åt Omri, son åt Imri, son åt Bani, av borni åt Peres Judason;

⁵og av silonitane: Asaja, den eldste, og sønene hans; /[31]

⁶og av Serahs-sønene: Je'uel og brørne deira, seks hundrad og nitti i talet;

⁷og av Benjamins-borni: Sallu, son åt Mesullam, son åt Hodavja, son åt Hassenua,

⁸og Jibneja, son åt Jeroham, og Ela, son åt Ussi, son åt Mikri, og Mesullam, son åt Sefatja, son åt Re'uel, son åt Jibnija,

⁹og brørne deira etter ættene sine, ni hundrad og seks og femti i talet; alle desse var menner som hadde hovdingrang i ættgreinene sine.

¹⁰Og av prestane: Jedaja og Jojarib og Jakin

¹¹og Asarja, son åt Hilkia, son åt Mesullam, son åt Sadok, son åt Merajot, son åt Akitub - han var forstandar for Guds hus -

¹²og Adaja, son åt Jeroham, son åt Pashur, son åt Malkia, og Masai, son åt Adiel, son åt Jahsera, son åt Mesullam, son åt Mesillemit, son åt Immer,

¹³og brørne deira - dei var alle folk med hovdingrang i ættgreinene sine, eitt tusund og sju hundrad og seksti i talet, menner som dugde vel til å gjera tenesta i Guds hus.

¹⁴Og av levitane: Semaja, son åt Hassub, son åt Asrikam, son åt Hassabja, av Merari-borni,

¹⁵og Bakbakkar og Heres og Galal og Mattanja, son åt Mika, son åt Sikri, son åt Asaf,

¹⁶og Obadja, son åt Semaja, son åt Galal, son åt Jedutun, og Berekja, son åt Asa, son åt Elkana, som budde i landsbyane åt Netofa-buane.

¹⁷Og portvaktarane: Sallum og Akkubb og Talmon og Akiman og brørne deira; Sallum var den øvste av dei,

¹⁸og dei stend enno ved Kongeporten, på austsida. Desse var det som var portvaktarar i lægri åt Levi-borni. /[32]

¹⁹Sallum, son åt Kore, son åt Ebjasaf, son åt Korah, og brørne hans - dei som var av same ættgreini som han, korahitane - hadde fenge det yrket at han skulle halda vakt ved dørstokkane i tjeldet, for di federne deira hadde vakta inngangen til Herrens læger.

²⁰Pinhas, son åt Eleasar, var fyrr i tidi forstandaren deira; Herren var med han.

²¹Sakarja, son åt Meselemja, vakta møtetjelddøri.

²²Dei som var utkåra til å vera vaktarar ved dørstokkane, var i alt tvo hundrad og tolv mann. Dei var uppskrivne i ættelistor etter landsbyane sine. David og Samuel, sjåaren, hadde sett dei inn i embetet deira.

²³Dei og sønene deira stod ved portane åt Herrens hus - tjeldhuset - og heldt vakt.

²⁴Etter dei fire himmelættene hadde portvaktarane stødet sitt - mot aust, mot vest, mot nord og mot sud;

²⁵og brørne deira, som budde i landsbyane sine, skulde tid for tid koma og hjelpa dei sju dagar i senn;

²⁶for dei fire gjævaste portvaktarane var stødt i tenesta. Dei var levitar. Kovane og skattkammeri i Guds hus hadde dei og tilsyn med. /[33]

²⁷Um natti heldt dei seg kringum Guds hus; for det var dei som skulde halda vakt, og det var dei som laut syta for at portane vart upplatne kvar morgon.

²⁸Sume av levitane hadde tilsyn med dei gognene som vart nytta i gudstenesta, og tok tal på dei, både når dei bar dei inn, og når dei bar dei ut,

²⁹og sume var sette til å taka vare på dei andre gognene - på alle dei gognene som fanst i heilagdomen - og på mjølet og vinen og oljen og røykjelsen og kryddone.

³⁰Det var nokre av prestesønene som laga kryddesalven.

³¹Mattitja, ein av levitane - han var eldste son åt Sallum, korahiten - hadde fenge det yrket at han skulde laga kakone,

³²og nokre av kahatit-sønene, brørne deira, halda tilsyn med skodebrødi og skulde leggja dei fram kvar sabbat.

³³Dette var songarane, ættehovdingar hjå levitane; dei heldt til i kovane og var fritekne for onnor tenesta; for dei hadde dag og natt nok å gjera med sitt eige arbeid. /

³⁴Alle desse var ættehovdingar hjå levitane, hovdingar i kvar si ættegrein; dei budde i Jerusalem. /[34]

³⁵I Gibeon budde Je'uel, far åt Gibeon. Kona hans heitte Ma'aka.

³⁶Eldste son hans var Abdon; so var det Sur og Kis og Ba'al og Ner og Nadab

³⁷og Gedor og Ahjo og Sakarja og Miklot.

³⁸Miklot fekk sonen Simeam. Dei og budde i lag med brørne sine i Jerusalem, midt for brørne sine.

³⁹Ner fekk sonen Kis, og Kis fekk sonen Saul, og Saul fekk sønene Jonatan og Malkisua og Abinadab og Esba'al.

⁴⁰Son hans Jonatan heitte Meribba'al, og Meribba'al fekk sonen Mika.

⁴¹Sønene hans Mika var Piton og Melek og Tahrea.

⁴²Akas fekk sonen Jara, og Jara fekk sønene Alemet og Asmavet og Simri, og Simri fekk sonen Mosa.

⁴³Mosa fekk sonen Bina; hans son heitte Refaja, hans son Elasa, hans son Asel.

⁴⁴Asel hadde seks søner, og her kjem namni deira: Asrikam, Bokeru og Ismael og Searja og Obadja og Haman. Dette var sønene åt Asel.