Read nynorsk 1938 Andre Krønikebok 8 Bible Online

Andre Krønikebok 8 - nynorsk 1938 bible

Andre Krønikebok 8

¹Då no dei tjuge åri var lidne som Salomo hadde bygt på Herrens hus og sitt eige hus,

²bygde han upp dei byane som Huram hadde gjeve han, og let Israels-borni busetja seg der.

³Sidan drog han til Hamat-Soba og la det riket under seg.

⁴Han bygde og upp Tadmor i øydemarki og alle dei upplagsbyane han hev bygt i Hamat.

⁵Like eins bygde han upp Øvre-Bet-Horon og Nedre-Bet-Horon og gjorde dei til faste byar med murar, doble portar og bommar,

⁶og Ba'alat og alle dei upplagsbyane han hadde, og alle dei byane han hadde stridsvognene og hestfolket sitt i, og alt anna som han fekk hug til å byggja, både i Jerusalem og på Libanon og i heile det landet han rådde yver.

⁷Alle som var att av hetitane, amoritane, ferisitane, hevitane og jebusitane, folk som ikkje høyrde til Israel -

⁸etterkomarane etter dei, so mange som endå var att i landet av di Israels-borni ikkje hadde rudt dei ut - dei var det Salomo tok til arbeidsfolk og gjorde til trælar, og so hev det vore til denne dag.

⁹Men av Israels-borni sette han ikkje nokon til å gjera trælearbeid; dei var hermenner og hovdingar for drabantane hans og hovdingar yver stridsvognene og hestfolket hans.

¹⁰Arbeidsformennene åt kong Salomo var tvo hundrad og femti i talet; dei hadde rådvelde yver folki.

¹¹Salomo let dotter åt Farao flytja frå Davidsstaden inn i det huset han hadde bygt åt henne; for han sa: Det må ikkje bu nokor kvinna i huset åt David, Israels-kongen; for det er heilagt, sidan Herrens kista er komi dit.

¹²Den gongen bar Salomo fram brennoffer for Herren på Herrens altar, det som han hadde bygt framanfor forhalli.

¹³Kvar dag bar han fram dei offeri som etter Mose-lovi skulde berast fram den dagen, på sabbatane og nymåne-dagane og høgtidene tri gonger um året: usyrdebrødhelgi og sjuvikehelgi og lauvhyttehelgi.

¹⁴Etter den fyresegni som David, far hans, hadde gjeve, sette han prestskifti til å styra embeti sine og levitane til å greida sine yrke - syngja lovsongar og ganga prestane til handa, etter som det trongst for kvar dag; like eins sette han portvaktar-skifti på vakt, kvart ved sin port; for so hadde David, gudsmannen, skipa det.

¹⁵Det som kongen hadde bode prestane og levitane; veik dei ikkje i nokon måte ifrå; so var det og når det galdt skattane.

¹⁶So var då heile Salomos verk fullenda, frå den dagen grunnvollen vart lagd til Herrens hus, og til det var fullført - Herrens hus stod der heilt og ferdigt.

¹⁷I same tidi for Salomo til Esjon-Geber og til Elot på havstrandi i Edomlandet.

¹⁸Huram sende nokre av mennene sine til han med skip og røynde sjøfolk, og dei for i lag med folki åt Salomo til Ofir; derifrå henta dei fire hundrad og femti talent gull og førde det heim til kong Salomo.