Read nynorsk 1938 Esra 5 Bible Online

Esra 5 - nynorsk 1938 bible

Esra 5

¹Haggai, profeten og Sakarias Iddoson, som og var profet, profetera for jødane som var i Juda og Jerusalem; i namnet åt Israels Gud profetera dei for dei.

²Då tok Serubabel Sealtielsson og Josva Josadaksson med ein gong til å byggja Guds hus i Jerusalem, og Guds profetar var med dei og studde uppunder.

³I same tidi kom Tatnai, som var landshovding på hi sida elvi, og Setar-Bosnai og embetsbrørne deira til dei og sa til dei: Kven hev gjeve dykk lov til å byggja dette huset og fullføra denne muren? /[9]

⁴Då sa me dei namni på dei mennene som reiste denne bygnaden?

⁵Men augo åt deira Gud vakte yver styresmennene åt jødane, og dei hindra dei ikkje i arbeidet medan det gjekk bod til Darius og kom brev attende um dette. /[10]

⁶Her kjem ei avskrift av det brevet som Tatnai, landshovdingen på hi sida elvi, og Setar-Bosnai og embetsbrørne hans, afarsakitane, som budde på hi sida elvi, sende til kong Darius;

⁷for dei sende han ei fråsegn, og i den stod det skrive: Heil og sæl, kong Darius!

⁸Det skal kongen vita at me hev fare til Judalandet, til huset åt den store Gud. Det vert no bygt upp av store steinar, og bjelkar vert sette inn i veggene. Arbeidet vert gjort med umhug og hev god framgang under hendene deira. /[11]

⁹So spurde me styresmennene der: Kven hev gjeve dykk lov til å byggja dette huset og fullføra denne muren?

¹⁰Me spurde dei og kva dei heitte, so me kunde gjeva dei full greida og skriva upp namni på dei mennene som er hovdingen deira.

¹¹Og so var svaret dei gav oss: Me er tenarane åt han som er Gud i himmelen og på jordi, og me byggjer upp att det huset som vart reist her mange år fyre vår tid; det var ein stor konge i Israel som bygde og fullførde det.

¹²Men fedrane våre for so åt at Gud i himmelen vart harm på dei; difor gav han dei i hendene på kaldearen Nebukadnesar, kongen i Babel, og han la dette huset i øyde og flutte folket til Babel.

¹³Men i det fyrste året av kongedømet sitt i Babel baud kong Kyros at dette Guds hus skulde byggjast upp att.

¹⁴Og dei eignelutene av gull og sylv som hadde høyrt til Guds hus, men som Nebukadnesar hadde havt burt or templet i Jerusalem og ført til templet i Babel, og dei let kong Kyros taka ut or templet i Babel, og dei vart gjevne i hendene på ein mann som heitte Sesbassar, som han hadde sett til landshovding.

¹⁵Og han sa til han: Tak desse eignelutene og far av stad og set dei inn i templet i Jerusalem, og lat Guds hus verta reist att på den gamle staden sin!

¹⁶So kom då denne Sesbassar og la grunnvollen til Guds hus i jerusalem, og sidan hev dei bygt på det til denne dag; men det er endå ikkje fullført.

¹⁷Um no kongen so synest, so lat det verta granska etter i skattkammeret åt kongen der i Babel um det er so at kong Kyros hev bode å byggja dette Guds hus i Jerusalem, og so sende kongen bod og late oss vita kva som er viljen hans i denne saki!