Read nynorsk 1938 Nehemja 11 Bible Online

Nehemja 11 - nynorsk 1938 bible

Nehemja 11

¹Hovdingane åt folket budde i Jerusalem. Hitt folket kasta lut soleis at tiande kvar mann skulde bu i Jerusalem, den heilage byen, og hine ni tiandepartane i dei andre byane.

²Og folket velsigna alle dei mennene som friviljugt busette seg i Jerusalem.

³No skal eg nemna dei ættehovdingane i landet som budde i Jerusalem, og dei som budde i Judabyane, kvar på sin eigedom, i sine byar - av lekfolket i Israel og av prestane, levitane, tempelsveinane og etterkomarane etter Salomos tenarar. /[14]

⁴I Jerusalem budde nokre av Juda-borni og av Benjamins-borni. Av Juda-borni: Ataja, son åt Ussia, son åt Sakarja, son åt Amarja, son åt Sefatja, son åt Mahalalel, av etterkomarane etter Peres,

⁵og Ma'aseja, son åt Baruk, son åt Kol-Hose, son åt Hasaja, son åt Adaja, son åt Jojarib, son åt Sakarja, son åt Hassiloni.

⁶Peres-borni som budde i Jerusalem, var i alt fire hundrad og åtte og seksti våpnføre menner.

⁷Av Benjamins-borni var det: Sallu, son åt Mesullam, son åt Joed, son åt Pedaja, son åt Kolaja, son åt Ma'aseja, son åt Itiel, son åt Jesaja,

⁸og etter han Gabbai-Sallai, i alt ni hundrad og åtte og tjuge.

⁹Joel Sikrison var formannen deira, og Juda Hassenuason var den næst øvste i byen.

¹⁰Av prestane var det: Jedaja Jojaribsson, Jakin

¹¹og Seraja, son åt Hilkia, son åt Mesullam, son åt Sadok, son åt Merajot, son åt Akitub, forstandaren for Guds hus,

¹²og brørne deira, som gjorde tenesta i huset, åtte hundrad og tvo og tjuge i talet, og Adaja, son åt Jeroham, son åt Pelalja, son åt Amsi, son åt Sakarja, son åt Pashur, son åt Malkia,

¹³og brørne hans, ættehovdingar, tvo hundrad og tvo og fyrti i talet, og Amassai, son åt Asarel, son åt Ahsai, son åt Mesillemot, son åt Immer,

¹⁴og brørne deira, hundrad og åtte og tjuge dugande menner. Sabdiel, son åt Haggedolim, var formannen deira.

¹⁵Av levitane var det: Semaja, son åt Hassub, son åt Asrikam, son åt Hasabja, son åt Bunni,

¹⁶og Sabbetai og Josabad, som stod fyre utearbeidet ved Guds hus og båe høyrde til hovdingane åt levitane,

¹⁷og Mattanja, son åt Mika, son åt Sabdi, son åt Asaf, songmeisteren, som røysta i med lovsongen ved bøni, og Bakbukja, den som var næst etter han av brørne hans, og Abda, son åt Sammua, son åt Galal, son åt Jeditun.

¹⁸Levitane i den heilage byen var i alt tvo hundrad og fire og åtti.

¹⁹Av dørvaktarane var det: Akkub, Talmon og brørne deira, som heldt vakt ved portane, i alt hundrad og tvo og sytti.

²⁰Dei hine israelitane, prestane og levitane budde i alle dei andre Judabyane, kvar på sin odel.

²¹Tempelsveinane budde på Ofel, og Siha og Gispa var formennene deira.

²²Formannen for levitane i Jerusalem ved tenesta i Guds hus var Ussi, son åt Bani, son åt Hasabja, son åt Mattanja, son åt Mika, av Asafs-borni, songarane.

²³For det var gjeve påbod um det av kongen og gjort ein fast skipnad um det dei - songarane - hadde å gjera dag for dag.

²⁴Petahja Mesesabelsson, ein av etterkomarane etter Serah Judason, gjekk kongen til handa i alle saker som galdt folket.

²⁵Kjem me so til landsbyane med markene som høyrer til, so budde nokre av Juda-mennene i Kirjat-Arba og bygdene der ikring, i Dibon og bygdene der ikring, i Jekabse'el og grendene som høyrer til,

²⁶i Jesua og Molada og Bet-Pelet,

²⁷i Hasar-Sual, i Be'erseba og bygdene der ikring,

²⁸i Siklag, i Mekona og bygdene der ikring,

²⁹i En-Rimmon og Sora og Jarmut,

³⁰Sanoah, Adullam og grendene som høyrer til, Lakis med markene som høyrer til, og Aseka med bygdene der ikring. Soleis hadde dei sine bustader frå Be'erseba til Hinnomsdalen.

³¹Benjamins-borni hadde sine bustader alt ifrå Geba: i Mikmas og Aja, i Betel med grendene der ikring,

³²i Anatot, Nob, Ananja,

³³Hasor, Rama, Gitta'im,

³⁴Hadid, Sebo'im, Neballat,

³⁵Lod, Ono og Timbremannsdalen.

³⁶Av levitane var det nokre lag frå Juda som kom til å høyra til Benjamin.