Read nynorsk 1938 Nehemja 3 Bible Online

Nehemja 3 - nynorsk 1938 bible

Nehemja 3

¹Eljasib, øvstepresten, og brørne hans, prestane, gjekk no i veg og bygde Saueporten; dei vigde han og sette inn dørene. So heldt dei fram til Meatårnet - det vigde dei og - og til Hananeltårnet.

²Jamsides med dei bygde Jeriko-mennene og jamsides med dei Sakkur Imrison.

³Sena'a-borni bygde Fiskeporten; dei timbra han upp og sette inn dører med lås og slåer.

⁴Jamsides med dei arbeidde Meremot, son åt Uria Hakkosson, jamsides med han Mesullam, son åt Berekja Mesesabelsson, og jamsides med han Sadok Ba'anason.

⁵Jamsides med dei arbeidde Tekoa-folket; men stormennene deira bøygde ikkje nakken under arbeidet for Herren sin.

⁶Jojada Paseahsson og Mesullam Besodjason vølte Gamleporten; dei timbra han upp og sette inn dører med lås og slåer.

⁷Jamsides med dei arbeidde Melatja, gibeoniten, og Jadon, meronotiten, med mennene frå Gibeon og Mispa, som sokna under domstolen åt landshovdingen på hi sida elvi. /[4]

⁸Jamsides med dei arbeidde Ussiel Harhajason, ein gullsmed, og jamsides han Hananja, ein av salvelagarane. Det neste stykket av Jerusalemsmuren let dei vera, alt burt til Breidemuren. /[5]

⁹Jamsides med dei arbeidde Refaja Hursson, som var hovding yver halve Jerusalemskverven.

¹⁰Jamsides med han arbeidde Jedaja Harumafsson, midt for sitt eige hus, og jamsides med han Hattus Hasabnejason.

¹¹Eit anna stykke vart vølt av Malkia Harimsson og Hassub Pahat-Moabsson; dessutan vølte dei Omnstårnet.

¹²Jamsides med dei arbeidde Sallum Hallohesson, hovdingen yver hi helvti av Jerusalemskverven, og saman med han døtterne hans.

¹³Dalporten vart vølt av Hanun og Sanoah-buane; dei bygde han upp att og sette inn dører med lås og slåer; dei bygde og tusund alner av muren, alt burt til Møkporten.

¹⁴Og Møkporten vart vølt av Malkia Rekabsson, hovdingen yver Bet-Hakkerems-kverven; han bygde porten upp att og sette inn dører med lås og slåer.

¹⁵Kjeldeporten vart vølt av Sallun Kol-Hoseson, hovdingen yver Mispakverven; han bygde porten upp att og tekte han og sette inn dører med lås og slåer; han bygde og muren frammed Selahdammen ved kongshagen, alt burt til den troppi som gjeng ned frå Davidsstaden. /[6]

¹⁶Etter han arbeidde Nehemias Asbuksson, som var hovdingen yver halve Betsurkverven, til midt for Davids-gravene og til den gravne dammen og til kjempe-huset.

¹⁷Etter han arbeidde levitane under Rehum Banison, og jamsides med han Hasabja, som var hovdingen yver halve Ke'ilakverven, for kverven sin.

¹⁸Etter han arbeidde brørne deira under Bavvai Henadadsson, hovdingen yver hi helvti av Ke'ilakverven.

¹⁹Jamsides med han vølte Eser Josvason, hovdingen yver Mispa, eit anna stykke, frå midt for uppgangen til våpenhuset i Vinkelen.

²⁰Etter han vølte Baruk Sabbaison med stor ihuge eit anna stykke, frå Vinkelen og til døri på huset åt Eljasib, øvstepresten.

²¹Etter han vølte Meremot, son åt Uria Hakkosson, eit anna stykke, frå døri på huset åt Eljasib, øvstepresten, og til enden av huset hans.

²²Etter han arbeidde prestane, mennene frå Jordansletta.

²³Etter dei arbeidde Benjamin og Hasub midt for sitt eige hus; etter dei arbeidde Asarja, son åt Ma'aseja Ananjason, frammed sitt hus.

²⁴Etter han vølte Binnui Henadadsson eit anna stykke, frå huset åt Asarja til Vinkelen og til den staden der muren krøkjer av.

²⁵Palal Usaison arbeidde frå midt for Vinkelen og det tårnet som skyt fram frå det øvre kongshuset ved fengselsgarden; etter han arbeidde kom Pedaja Parosson. /[7]

²⁶- Tempelsveinane budde på Ofel, til midt for Vassporten mot aust og det framskotne tårnet, -

²⁷Etter han vølte Tekoa-folki eit anna stykke, frå midt for det store og framskotne tårnet og til Ofelmuren.

²⁸Ovanfor Hesteporten arbeidde prestane, kvar midt for sitt eige hus. /[8]

²⁹Etter dei arbeidde Sadok Immersson midt for sitt hus, og etter han Semaja Sekanjason, som hadde vakthaldet ved Austporten.

³⁰Etter han vølte Hananja Selemjason og Hanun, sette son åt Salaf, eit anna stykke, og etter dei arbeidde Mesullam Berekjason midt for kammerset sitt.

³¹Etter han arbeidde Malkia, ein av gullsmedane, fram til huset åt tempeltenarane og kræmarane, midt for Mynstringsporten, og fram til Hyrneloftet.

³²Og millom Hyrneloftet og Saueporten arbeidde gullsmedane og kræmarane.