Read nynorsk 1938 Nehemja 7 Bible Online

Nehemja 7 - nynorsk 1938 bible

Nehemja 7

¹Som no muren var bygd, sette eg inn dørene, og dørvaktarane og songarane og levitane vart sette til yrket sitt.

²Til å standa for styret i Jerusalem sette eg Hanani, bror min, og saman med han Hananja, borghovdingen; for han var ein framifrå truverdig og gudleg mann.

³Og eg sa til dei: Portane i Jerusalem må ikkje verta opna fyrr det lid til høgstdags, og medan dei endå stend der, skal dørene stengjast og læsast; so skal de taka og setja nokre av Jerusalems-buane til å halda vakt, kvar på sin post og kvar utanfor sitt hus. /[9]

⁴Byen var vidsveimd og stor, men folket som budde der, var fåment, og det var ikkje bygt nye hus.

⁵Då skaut min Gud det i hugen min at eg skulde samla stormennene og forstandarane og hitt folket, so dei kunde verta uppskrivne i ættelistor. Eg fann boki med ættelistone yver dei som fyrst hadde fare heim, og der fann eg skrive:

⁶Her er namni på dei mennene frå Judalandet som drog heim, etter dei hadde sete fangar i utlægdi - dei som Nebukadnesar, kongen i Babel, hadde ført burt, og som no hev fare heim att til Jerusalem og Juda, kvar til sin by,

⁷dei som fylgde Serubabel, Josva, Nehemias, Asarja, Ra'amja, Nahamani, Mordekai, Bilsan, Misperet, Bigvai, Nehum og Ba'ana. Her kjem manntalet yver Israels-lyden:

⁸Paros-sønene, tvo tusund eit hundrad og tvo og sytti;

⁹Sefatja-sønene, tri hundrad og tvo og sytti;

¹⁰Arahs-sønene, seks hundrad og tvo og femti;

¹¹Pahat-Moabs-sønene av etterkomarane etter Josva og Joab, tvo tusund åtte hundrad og attan;

¹²Elams-sønene, eit tusund tvo hundrad og fire og femti;

¹³Sattu-sønene, åtte hundrad og fem og fyrti;

¹⁴Sakkai-sønene, sju hundrad og seksti;

¹⁵Binnui-sønene, seks hundrad og åtte og fyrti;

¹⁶Bebai-sønene, seks hundrad og åtte og tjuge;

¹⁷Asgads-sønene, tvo tusund tri hundrad og tvo og tjuge;

¹⁸Adonikams-sønene, seks hundrad og sju og seksti;

¹⁹Bigvai-sønene, tvo tusund og sju og seksti;

²⁰Adins-sønene, seks hundrad og fem og femti;

²¹Aters-sønene av Esekias-ætti, åtte og nitti;

²²Hasums-sønene, tri hundrad og åtte og tjuge;

²³Besai-sønene, tri hundrad og fire og tjuge;

²⁴Harifs-sønene, hundrad og tolv;

²⁵Gibeons-sønene, fem og nitti;

²⁶Betlehems- og Netofa-mennene, hundrad og åtte og åtti;

²⁷Anatot-mennene, hundrad og åtte og tjuge;

²⁸Bet-Asmavet-mennene, tvo og fyrti;

²⁹mennene frå Kirjat-Jearim, Kefira og Be'erot, sju hundrad og tri og fyrti;

³⁰mennene frå Rama og Geba, seks hundrad og ein og tjuge;

³¹Mikmas-mennene, hundrad og tvo og tjuge;

³²mennene frå Betel og Ai, hundrad og tri og tjuge;

³³mennene frå det andre Nebo, tvo og femti;

³⁴etterkomarane etter den andre Elam, eit tusund tvo hundrad og fire og femti;

³⁵Harims-sønene, tri hundrad og tjuge;

³⁶Jeriko-mennene, tri hundrad og fem og fyrti;

³⁷Mennene frå Lod, Hadid og Ono, sju hundrad og ein og tjuge;

³⁸Sena'a-sønene, tri tusund ni hundrad og tretti.

³⁹Av prestane: Jedaja-sønene av Josva-ætti, ni hundrad og tri og sytti;

⁴⁰Immers-sønene, eit tusund og tvo og femti;

⁴¹Pashurs-sønene, eit tusund tvo hundrad og sju og fyrti;

⁴²Harims-sønene, eit tusund og syttan.

⁴³Av levitane: Josva-sønene av Kadmiels-ætti, av Hodeva-sønene, fire og sytti.

⁴⁴Av songarane: Asafs-sønene, hundrad og åtte og fyrti.

⁴⁵Av dørvaktarane: Sallums-sønene, Aters-sønene, Talmons-sønene, Akkubs-sønene, Hatita-sønene, Sobai-sønene, hundrad og åtte og tretti.

⁴⁶Av tempelsveinane: Siha-sønene, Hasufa-sønene, Tabbaots-sønene,

⁴⁷Keros-sønene, Sia-sønene, Padons-sønene,

⁴⁸Lebana-sønene, Hagaba-sønene, Salmai-sønene,

⁴⁹Hanans-sønene, Giddels-sønene, Gahars-sønene,

⁵⁰Reaja-sønene, Resins-sønene, Nekoda-sønene,

⁵¹Gassams-sønene, Ussa-sønene, Paseahs-sønene,

⁵²Besai-sønene, Me'unims-sønene, Nefussims-sønene,

⁵³Bakbuks-sønene, Hakufa-sønene, Harhurs-sønene,

⁵⁴Baslits-sønene, Mehida-sønene, Harsa-sønene,

⁵⁵Barkos-sønene, Sisera-sønene, Tamahs-sønene,

⁵⁶Nesiahs-sønene, Hatifa-sønene.

⁵⁷Av etterkomarane etter Salomos tenarar: Sotai-sønene, Soferets-sønene, Perida-sønene,

⁵⁸Ja'ala-sønene, Darkons-sønene, Giddels-sønene.

⁵⁹Sefatja-sønene, Hattils-sønene, Pokeret-Hasseba'ims-sønene, Amons-sønene.

⁶⁰Tempelsveinane og etterkomarane etter Salomos tenarar var i alt tri hundrad og tvo og nitti.

⁶¹No skal eg nemna dei som kom frå Tel-Melah, Tel-Harsa, Kerub, Addon og Immer, men ikkje kunde gjeva nokor greida på si ætt og sitt upphav - um dei høyrde til Israel eller ikkje.

⁶²Det var Delaja-sønene, Tobias-sønene og Nekoda-sønene, seks hundrad og tvo og fyrti,

⁶³og av prestane: Hobaja-sønene, Hakkos-sønene, og sønene åt Barsillai, han som hadde teke ei av døtterne åt Barsillai frå Gilead til kona og so hadde fenge namn etter dei.

⁶⁴Desse leita etter ættelistone sine, men dei vart ikkje funne; difor vart dei haldne for uverdige og utestengde frå prestedømet,

⁶⁵og landshovdingen forbaud dei å eta av det høgheilage fyrr det stod fram ein prest som hadde urim og tummim.

⁶⁶Heile lyden var i alt tvo og fyrti tusund tri hundrad og seksti,

⁶⁷umfram tenarane og tenestgjentone; DEI var sju tusund tri hundrad og sju og tretti i talet. Det var og tvo hundrad og fem og fyrti songarar og songmøyar med dei.

⁶⁸Dei hadde sju hundrad og seks og tretti hestar, tvo hundrad og fem og fyrti muldyr,

⁶⁹fire hundrad og fem og tretti kamelar og seks tusund sju hundrad og tjuge asen.

⁷⁰Nokre av ættehovdingane kom med gåvor til arbeidet. Landshovdingen gav til kassa tusund gulldarikar, femti skåler og fem hundrad og tretti prestekjolar.

⁷¹Andre ættehovdingar la tjuge tusund gulldarikar og tvo tusund og tvo hundrad sylvminor i arbeidskassa.

⁷²Det som hitt folket gav, var tjuge tusund gulldarikar og tvo tusund sylvminor og sju og seksti prestekjolar.

⁷³Prestane og levitane og dørvaktarane og songarane busette seg i byane sine, og det same gjorde nokre av lyden og tempelsveinane og heile Israel elles. Då sjuande månaden kom, budde Israels-borni i byane sine.