Read nynorsk 1938 Andre Mosebok 1 Bible Online

Andre Mosebok 1 - nynorsk 1938 bible

Andre Mosebok 1

¹No skal de få høyra namni på Israels-sønene som kom til Egyptarland; med Jakob kom dei, kvar med sin huslyd:

²Ruben og Simeon og Levi og Juda,

³Issakar og Sebulon og Benjamin,

⁴Dan og Naftali, Gad og Aser.

⁵Med alle i hop var det sytti sjeler som var ætta frå Jakob; Josef han var no alt i Egyptarland.

⁶Og Josef døydde og alle brørne hans og heile den ætti.

⁷Men Israels-folket muna og voks og auka og vart uhorveleg mannsterke, so dei fyllte heile landet.

⁸Då kom det ein ny konge i Egyptarland, som ikkje visste noko um Josef.

⁹Og han sa til folket sitt: Sjå, Israels-lyden er større og sterkare enn me.

¹⁰Lat oss no fara klokt fram, so dei ikkje skal aukast endå meir! For kjem det ufred, so kunde dei gjerne slå seg i hop med uvenene våre og strida mot oss og fara or landet!

¹¹So sette dei futar yver dei, som skulde plaga dei med tungarbeid, og dei laut byggja tvo byar med varehus for Farao; det var Pitom og Ra'amses.

¹²Men di meir dei plaga dei, di meir auka dei, og di meir breidde dei seg ut, so egyptarane tok til å fæla for Israels-borni.

¹³Soleis nøydde dei no Israels-borni til å træla for seg

¹⁴og gjorde livet surt for dei med hardt arbeid i leirtaki og tiglverki og med allslags jordarbeid, alt arbeidet som dei truga dei til å gjera.

¹⁵Og kongen i Egyptarland sa til dei hebraiske jordmøderne - den eine av dei heitte Sifra og den andre Pua -:

¹⁶Kvar gong de hjelper ei hebraisk barnsengkona, sa han, so skal de sjå etter i fødestolen: Er det son ho hev fenge, so drep han! er det dotter, so må ho leva.

¹⁷Men jordmøderne hadde age for Gud og gjorde ikkje som kongen i Egyptarland sa, men let småsveinane leva.

¹⁸Då kalla kongen jordmøderne fyre seg og sa til dei; Kvi gjer de dette og let sveinborni leva?

¹⁹Jordmøderne svara: Dei hebraiske kvinnone er ikkje som dei egyptiske, dei er sterkare; innan jordmori kjem, hev dei fenge barnet.

²⁰Då gjorde Gud vel imot jordmøderne; og folket auka og vart ovleg mangment.

²¹Og for di jordmøderne hadde age for Gud, gav han dei avkjøme.

²²Men Farao sende bod utyver til heile folket sitt og sa: Kvar son som kjem til verdi, skal de kasta i elvi; berre døtterne skal de lata leva! /[1]