Read nynorsk 1938 Andre Mosebok 17 Bible Online

Andre Mosebok 17 - nynorsk 1938 bible

Andre Mosebok 17

¹So tok heile Israels-lyden ut frå Sinøydemarki og for dagsleid etter dagsleid, soleis som Herren sa dei fyre. Sidan lægra dei seg i Refidim; med der fanst det ikkje vatn so folket kunde få drikka.

²Og folket tretta med Moses og sa: Gjev oss vatn, so me fær drikka! Då sa Moses til dei: Kvi trettar de med meg? Kvi freistar de Herren?

³Men folket tyrsta etter vatn, og dei mukka mot Moses og sa: Kvi hev du då ført oss upp frå Egyptarland? Vil du då at me og borni våre og feet vårt skal døy av torst?

⁴Då ropa Moses til Herren og sa: Kva skal eg gjera med dette folket? Det er ikkje lenge fyrr dei steinar meg?

⁵Og Herren sa til Moses: Far i veg fyre folket! Få med deg nokre av dei øvste i Israel, og staven din som du slo i elvi med, tak den i handi, og gakk so!

⁶Du skal få sjå meg stande midt uppyver ei ufs der burte på Horeb; då skal du slå på ufsi, og det skal koma vatn ut or henne, so folket fær drikka. Moses gjorde som Herren sa, so dei øvste i Israel såg på det.

⁷Den staden kalla han Massa og Meriba, av di at Israels-folket tretta med han, og av di dei freista Herren og sa: Er Herren imillom oss eller ikkje? /[11][12]

⁸Sidan kom Amalek og gav seg i strid med Israel i Refidim.

⁹Då sa Moses til Josva: Vel oss ut nokre menner og tak ut og haldt slag med Amalek! I morgon skal eg standa øvst på haugen med gudsstaven i handi.

¹⁰Josva gjorde som Moses sa til han og slost med Amalek, og Moses og Aron og Hur steig upp på høgste haugen.

¹¹Då gjekk det slik at so lenge Moses heldt handi i veret, hadde Israel yvertaket, men når han let handi siga, so vann Amalek.

¹²Men so tok Moses til å trøytna i hendene; då tok dei ein stein og la til rettes for han; den sette han seg på, og Aron og Hur studde hendene hans, ein på kvar sida. Då heldt han hendene støde alt til soli gladde.

¹³Josva hogg ned Amalek og folket hans med kvasse sverdet.

¹⁴Og Herren sa til Moses: Skriv dette upp i ei bok, so det ikkje gjeng dykk or minne, og lat Josva feste det i hugen! For eg vil rydja ut minnet um Amalek, so det ikkje skal finnast meir under himmelen.

¹⁵Då bygde Moses eit altar og kalla det: Herren er hermerket mitt.

¹⁶Og han sa: Ei hand er rekt frå Herrens høgsæte! Herren skal søkja Amalek med ufred, ætt for ætt.