Read nynorsk 1938 Andre Mosebok 26 Bible Online

Andre Mosebok 26 - nynorsk 1938 bible

Andre Mosebok 26

¹Tabernaklet skal du gjera av ti åklædevever av fint tvinna lingarn og blå og purpurraud og karmosinraud ull, og i dei skal du veva inn kjerubar i kunstvevnad.

²Kvar vev skal vera åtte og tjuge alner lang og fire alner breid; alle vevene skal halda same målet.

³Fem av vevene skal skøytast i hop til eitt teppe, og sameleis dei andre fem vevene.

⁴I jaren på den fyrste veven, ytst på det eine teppet, skal du gjera lykkjor av blå ull, og sameleis i jaren på den ytste veven i det andre teppet.

⁵Femti lykkjor skal du gjera på den eine veven, og femti lykkjor i jaren av den som høyrer til det andre teppet; lykkjone skal svara mot kvarandre.

⁶Og femti gullkrokar skal du gjera og hekta åklædeteppi i hop, so det vert eit hus av dei.

⁷So skal du veva ryor av geiteragg til tekkja yver tabernaklet; elleve sovorne ryor skal du veva.

⁸Kvar vev skal vera tretti alner lang og fire alner breid; alle dei elleve vevene skal halda same målet.

⁹Fem av ryevevene skal du skøyta i hop til eit teppe for seg, og dei hine seks til eit anna teppe, og den sette veven skal du bretta i hop på framsida av taket.

¹⁰I jaren på den fyrste veven, den som er ytst i det eine teppet, skal du gjera femti lykkjor, og i jaren på den andre skøytingsveven femti lykkjor.

¹¹Og femti koparkrokar skal du gjera og hekta dei i lykkjone, og soleis skal du festa raggeteppi i hop, so det vert eitt tak av dei.

¹²Vil du vita kva du skal gjera med det som gjeng av på raggeteppi, so skal helvti av den veven som gjeng av, hanga ned på baksida av tabernaklet,

¹³og den eine alni på kvar led som raggeteppi er for lange, skal hengjast ned etter båe sideveggene til livd for tabernaklet.

¹⁴Yver raggeteppi skal du gjera eit tak av raudleta verskinn, og ovanpå det att eit tak av takasskinn.

¹⁵Plankane til tabernaklet skal du gjera av akasietre; dei skal reisast på ende.

¹⁶Kvar planke skal vera ti alner lang og halvonnor aln breid.

¹⁷På kvar planke skal det vera tvo tappar med ei tverrlist imillom. So skal du gjera med alle plankane til tabernaklet.

¹⁸Tjuge av dei plankane du gjer til tabernaklet, skal du reisa på solsida, mot sud.

¹⁹Og fyrti sylvstabbar skal du gjera og setja under dei tjugeplankane, tvo under kvar planke, til å festa båe tappane i.

²⁰På den andre sida av tabernaklet, på nordsida, skal det og vera tjuge plankar

²¹med sine fyrti sylvstabbar, tvo under kvar planke.

²²Til baksida av tabernaklet, mot vest, skal du gjera seks plankar,

²³og til hyrno på den same sida tvo plankar;

²⁴dei skal vera tviluta alt nedantil, og båe lutene skal halda fullt mål helt upp åt taket til den fyrste ringen; so skal dei vera gjera båe tvo; dei skal standa i kvar sitt hyrna.

²⁵Soleis vert det åtte plankar med sylvstabbane sine, tvo under kvar planke.

²⁶So skal du gjera tverrstenger av akasietre, fem til plankane på den eine sida av tabernaklet,

²⁷og fem til plankane på den andre sida, og fem til plankane på baksida av tabernaklet, mot vest.

²⁸Midtstongi, den som er midt på plankeveggen, skal ganga langs etter heile veggen, frå ende til ende.

²⁹Plankane skal du klæda med gull, og ringane på dei, som tverrstengene skal smøygjast inn i, skal du gjera heiltupp av gull; tverrstengene skal du og gullklæda.

³⁰Du lyt setja upp tabernaklet på rette gjerdi, soleis som det vart synt deg på fjellet.

³¹So skal du gjera eit forheng av blå og purpurraud og karmosinraud ull og fint tvinna lingarn; kjerubar skal vera innvovne i kunstvevnad.

³²Du skal hengja det upp på fire gullklædde akasiestolpar som det er gullhakar på, og som stend på fire sylvstabbar.

³³Du skal hengja det upp under krokane, og innanfor forhenget skal du setja vitnemålskista; og forhenget skal for dykk vera ein skilvegg millom det heilage og det høgheilage romet. /[26]

³⁴So skal du setja nådestolen ovanpå vitnemålskista, der ho stend i det høgheilage romet.

³⁵Bordet skal du setja utanfor forhenget, og ljosestaken midt imot bordet innmed den søre veggen i tabernaklet; bordet skal du setja innåt nordveggen.

³⁶Til døri på tjeldet skal du gjera eit teppe av blå og purpurraud og karmosinraud ull og fint tvinna lingarn. Det skal vera utsauma med rosor.

³⁷Du skal gjera fem akasiestolpar til teppet, og dei skal du gullklæda; dei skal hava hakar av gull, og du skal støypa fem koparstabbar til dei.