Read nynorsk 1938 Job 11 Bible Online

Job 11 - nynorsk 1938 bible

Job 11

¹Då tok Sofar frå Na'ama til ords og sa:

²Skal slik ein ordflaum vanta svar? Skal slik ein ordgytar få rett?

³Skal skvaldret ditt få menner til å tegja? Skal du få spotta fritt og sleppa skjemsla?

⁴Skal du få segja: Rein er læra mi, og fri for skuld er eg i dine augo?

⁵Men um Gud berre vilde tala og opna munnen sin mot deg

⁶og syna deg løyndomane i visdomen, at det i dei er vit i dobbelt mål! Då skulde du nok skyna at Gud gjev deg noko til av di misgjerning.

⁷Skal tru du loddar botnen i Guds grunnhått eller når fram til den Allmektige si grensa?

⁸Han er so høg som himmelen, kva kann du gjera? - og djupare enn helheimen - kva veit du? /

⁹Lenger enn jordi når han ut, og breidare enn havet er han.

¹⁰Um han fer fram og set i fengsel og kallar retten saman - kven vil hindra han?

¹¹For han, han kjenner falske folk og ser uretten um han ikkje aktar på han,

¹²og jamvel ein uvitug mann fær vit, og eit villasen-føl vert født til menneske. /[10]

¹³Um du no bur ditt hjarta rett og retter dine hender ut mot han -

¹⁴hav burt den syndi som kann finnast i di hand, lat ikkje urett bu i tjeldi dine -

¹⁵då kann du, fri for lyte, lyfta åsyni og standa fast og sleppa reddast;

¹⁶for du skal gløyma møda di, du minnest henne berre liksom vatn som rann sin veg.

¹⁷Ditt liv skal verta ljosare enn høgste dag, og myrkret vert for deg som ljose morgonen.

¹⁸Og du skal vera trygg, for du hev von; når du hev set deg vel ikring, so kann du ganga trygt til kvile.

¹⁹Då fær du kvila, ingen kvekkjer deg, og då kjem mange til å smeikja for deg.

²⁰Men augo talmast på dei gudlause; no finst det ingi livd for dei, og deira von er å få andast.