Read nynorsk 1938 Job 16 Bible Online

Job 16 - nynorsk 1938 bible

Job 16

¹Då tok Job til ords og sa:

²Eg hev høyrt mykje slikt som dette; brysame trøystarar er de alle.

³Skal det då aldri verta slutt på tome ord? Eller kva tru det er som eggjar deg til svar?

⁴Eg kunde vel og tala slik som de; var de i staden min, so kunde eg vel setja ord i hop mot dykk, eg kunde rista hovudet og hæda dykk;

⁵eg kunde styrkja dykk med munnen, medynk frå mine lippor kunde døyva verken dykkar, /[17]

⁶um eg no talar, døyvest ikkje verken, og tegjer eg, kva lindring fær eg då?

⁷Ja, no hev han plent mødt meg ut; du hev øydt ut min heile huslyd.

⁸At du tok fat på meg, det vart eit vitne mot meg; mitt skrinne hold stod fram imot meg og vitna mot meg beint i syni.

⁹Hans vreide reiv meg sund og elte meg; han gnistra tennene imot meg; min uven kveste augo på meg.

¹⁰Dei opna munnen sin imot meg, med hæding slo dei meg på kinni; dei slo seg saman mot meg alle. /

¹¹Gud slepper meg i farke-vald og kastar meg i hendene på gudlaust folk.

¹²Best som eg sat i fred, braut han meg sund, treiv meg i nakken, krasa meg, til skiva for seg sette han meg upp.

¹³Hans skyttarar kringsette meg, han kløyvde mine nyro utan nåde; han tømde ut mitt gall på jordi.

¹⁴Flengja på flengja reiv han i meg; han storma mot meg som ei kjempa.

¹⁵Sekk hev eg sytt um hudi mi og stunge hornet mitt i moldi; /[18]

¹⁶andletet mitt er raudt av gråt, og daudeskugge ligg på augneloki -

¹⁷endå det ingen urett finst i mine hender, og endå bøni mi er rein.

¹⁸Gøym ikkje blodet mitt, du jord! Gjev ingen kvilestad må finnast for mitt skrik! /[19]

¹⁹Alt no hev eg i himmelen mitt vitne og i det høge ein som sannar mine ord.

²⁰Stødt spottar mine vener meg; mitt auga vender seg i gråt til Gud,

²¹at han må gjeva mannen rett mot Gud og mannsbarnet imot hans næste;

²²for ikkje lid det mange åri fyrr eg fer den vegen som eg ikkje gjeng attende.