Read nynorsk 1938 Job 17 Bible Online

Job 17 - nynorsk 1938 bible

Job 17

¹Mi ånd er knekt og mine dagar sløkte; no er det gravene som ventar meg. /[20]

²Eg møter spott på alle leider, og deira trettekjære ferd lyt auga dvelja ved.

³So set eit pant, gakk god for meg hjå deg! Kven annan skulde gjeva meg sitt handtak? /[21]

⁴For hjarta deira hev du stengt for skyn; difor let du dei ikkje vinna.

⁵Den som svik vener, so dei vert til rov, på borni hans skal augo tærast burt. /[22]

⁶Til ordtak er eg sett for folk; eg er ein mann dei sputtar beint i syni.

⁷Av hugverk dimmest auga mitt, og kvar ein lem er som ein skugge.

⁸Rettvise folk vert støkte yver slikt, den som er skuldfri, harmast på ein gudlaus;

⁹men den rettferdige held vegen sin, den som hev reine hender, veks i makt.

¹⁰Men de - kom berre alle att! Eg finn nok ingen vismann hjå dykk.

¹¹Dagane mine dei er lidne, rådene mine slitna sund, dei som mitt hjarta emna på.

¹²Men dei gjer natt til dag, dei segjer: Ljoset er næmare enn myrkret framfor meg.

¹³Eit hus i helheim er mi von, i myrkret reider eg mitt lægje.

¹⁴Til gravi ropar eg: Min far! til makken: Mor mi! Syster mi!

¹⁵Kvar vert det då av voni mi? Mi von - kven kann vel øygna henne?

¹⁶Til helheims bommar fer dei ned, når eg legg meg til ro i moldi. /[23]