Read nynorsk 1938 Job 18 Bible Online

Job 18 - nynorsk 1938 bible

Job 18

¹Då tok Bildad frå Suah til ords og sa:

²Når skal de setja stenge, tru, for ordi dykkar? Kom fyrst til vit, so kann me talast ved.

³Kvi skal me reknast liksom fe? Kvi er me ureine i dykkar augo?

⁴Å du som riv deg sund i vreide! Skal jordi øydast for di skuld? Skal fjellet flytjast frå sin stad?

⁵Men ljoset sloknar for ein gudlaus like fullt, og logen av hans eld skal ikkje skina.

⁶Ljoset vert myrkt i tjeldet hans, og lampa sloknar yver han.

⁷Hans sterke steg skal verta hindra, hans eigi råd skal fella han;

⁸for inn i garnet vert hans føter fløkte, og uppi netet ferdast han.

⁹Ei snara triv um hælen hans, eit reip tek fat og held han fast.

¹⁰Garn til å fanga han ligg løynt i jordi, og fella ventar på hans veg.

¹¹Redslor set støkk i han frå alle sidor og jagar han kvar helst han set sin fot.

¹²Av hunger vert hans styrke øydd, og ulukka stend reidug attmed han.

¹³Hans hud vert upptærd stykkevis, ja, daudens eldste son et upp hans lemer. /[24]

¹⁴Or tjeldet sitt, som han set lit til, vert han riven burt, du styrer stegi hans til redsle-kongen.

¹⁵I tjeldet hans bur framande, det vert strått svovel på hans bustad.

¹⁶Hans røter turkast upp i grunnen, hans greiner visnar ovantil.

¹⁷Hans minne kvorve er or landet, hans namn vert ikkje nemnt meir utpå marki.

¹⁸Dei støyter han frå ljos og ut i myrker, dei driv han ut or manneheimen.

¹⁹Barnlaus og ættlaus er han i sitt folk, og i hans bustader finst ingen som hev sloppe undan.

²⁰Vestmennene støkk for hans dag, og redsla tek austmennene. /[25]

²¹Just soleis gjeng det nidings hus, heimen åt den som ikkje kjenner Gud.