Read nynorsk 1938 Job 23 Bible Online

Job 23 - nynorsk 1938 bible

Job 23

¹Då tok Job til ords og sa:

²Den dag i dag gjeld klaga mi for trass, endå eg legg mi hand tungt på min sukk. /[31]

³Berre eg kunde finna han og koma meg fram for hans kongsstol!

⁴Då la eg fram for han mi sak og fyllte munnen min med prov.

⁵Då fekk eg vita kva han vilde svara meg, og merka kva han vilde segja til meg.

⁶Tru han då vilde strida mot meg med si fulle makt? Skal tru um ikkje nettupp han gav ans på mine ord?

⁷Då gjekk ein ærleg mann til doms med han, for all tid slapp eg frå min domar.

⁸Men um eg gjeng mot aust, so er han ikkje der; gjeng eg mot vest, so vert eg ikkje var han;

⁹er han i nord og verkar, kann eg ikkje sjå han; gjeng han mot sud, so øygnar eg han ikkje.

¹⁰For vegen som eg held meg til, den kjenner han; prøvde han meg, so gjekk eg fram som gullet or den prøva.

¹¹Min fot hev halde seg i faret hans; eg fylgde vegen hans og krøkte ikkje av.

¹²Det som hans lippor baud, det veik eg ikkje frå; eg ansa meir på ordi frå hans munn enn på mi eigi lov. /[32]

¹³Men kven kann hindra han, den einaste? Det som hans sjel hev hug til, gjer han og.

¹⁴For han fullfører det som han hev etla meg, og det finst mykje slikt hjå han.

¹⁵Difor reddast eg for hans åsyn; eg skjelv for han so tidt eg tenkjer på det. /[33]

¹⁶Ja, Gud hev brote ned mitt mod, og den Allmektige hev skræmt meg;

¹⁷for eg vart ikkje riven burt fyrr myrkret kom, og ikkje løynde han ulukke-natti for meg.