Read nynorsk 1938 Job 32 Bible Online

Job 32 - nynorsk 1938 bible

Job 32

¹Dei tri mennene svara ikkje Job meir, av di han heldt seg sjølv for rettferdig.

²Då loga harmen upp hjå Elihu - han var frå Bus og var son åt Barak'el, av Rams-ætti. Job vart han harm på, av di han meinte um seg sjølv at han var rettferdig for Gud, /[39]

³og dei tri venene hans harmast han på, av di dei ikkje fann noko svar og endå dømde Job skuldig.

⁴Elihu hadde venta med å tala til Job, av di dei andre var eldre enn han.

⁵Då no Elihu såg at dei tri mennene ikkje hadde noko å svara, vart han brennande harm.

⁶So tok då Elihu Barak'elsson frå Bus til ords og sa: Ung er eg etter år å rekna, de derimot er gamle menn; difor heldt eg meg undan og var redd å koma fram for dykk med det eg veit.

⁷Eg tenkte: Alderen lyt tala, dei mange år forkynna visdom.

⁸Men det er åndi i eit menneske og anden ifrå den Allmektige som gjev det vit.

⁹Dei gamle er 'kje alltid vise, kvithærde skynar ikkje stødt kva som er rett.

¹⁰Og difor segjer eg: Høyr no på meg! Eg og vil koma fram med det eg veit.

¹¹Eg venta på dei ord de skulde segja, eg lydde etter vitug tale frå dykk, medan de grunda ut dei rette ordi.

¹²Ja, nøgje gav eg akt på dykk; men det var ingen av dykk som sa Job imot, ingen som svara på hans ord.

¹³Seg ikkje: Me hev funne visdom hjå han; Gud, ikkje noko menneske, kann vinna med han.

¹⁴Mot meg hev han då ikkje tala, og eg vil ikkje svara han med dykkar ord.

¹⁵Dei er forstøkte, svarar ikkje meir; ordi hev vorte burte for dei.

¹⁶Skal eg venta, av di dei ikkje talar, av di dei stend og ikkje svarar meir?

¹⁷Eg og vil svara, eg for meg; eg og vil fram med det eg veit.

¹⁸For eg er full av ord til svar, i bringa sprengjer åndi på.

¹⁹Mitt indre er som innstengd vin; som nyleg fyllte hitar vil det rivna.

²⁰No vil eg tala, so eg kann få luft, no vil eg opna lippone og svara.

²¹Eg tek ikkje parti for nokon, og ikkje smeikjer eg for noko menneske;

²²for smeikja kann eg ikkje med; elles reiv snart skaparen meg burt.