Read nynorsk 1938 Job 36 Bible Online

Job 36 - nynorsk 1938 bible

Job 36

¹Og Elihu heldt fram og sa:

²Vent litt, so eg fær sagt deg kva eg meiner! For endå hev eg ord til å forsvara Gud med.

³Min kunnskap vil eg henta langan leid og syna greidt at skaparen hev rett.

⁴For mine ord er ikkje falske, det er visst; fullkomen kunnskap hev den mann som stend framfor deg.

⁵Sjå, Gud er sterk, men han vanvyrder ingen, han som er veldig i forstandskraft.

⁶Han let ikkje ein gudlaus mann få leva, og armingane hjelper han til deira rett.

⁷Frå dei rettvise tek han ikkje sine augo; i lag med kongar på sin stol let han dei sitja all si tid med heider.

⁸Og um dei bundne vert med lekkjor og fanga i ulukke-snaror,

⁹so vil han dermed syna dei kva dei hev gjort, syndene deira, at dei bar seg trassigt åt,

¹⁰og opna øyra deira for åtvaringi og få dei til å venda um ifrå det vonde.

¹¹Um dei då høyrer og vil tena han, so fær dei leva all sin dag i lukka og sine år i herlegdom og gleda.

¹²Høyrer dei ikkje, so skal spjotet råma dei, og dei skal missa livet i sitt fåvit.

¹³Men folk med gudlaust hjarta hyser vreide; dei ropar 'kje til Gud når han legg dei i band. /[44]

¹⁴Dei døyr i ungdomsalderen, let livet liksom skjøkjesveinar. /[45]

¹⁵Han frelser armingar ved deira armodsdom og opnar deira øyro gjenom trengsla.

¹⁶Han lokkar deg og ut or trengslegapet, ut til ein open plass der det er romt; og bordet ditt skal vera fullt av feite retter.

¹⁷Men er du full av gudlaus misgjerd, kjem misgjerdi og domen til å fylgjast åt.

¹⁸Lat berre ikkje vreide lokka deg til spott, og lat ikkje den tunge boti lokka deg på avveg! /[46]

¹⁹Kann skriket ditt vel fria deg or trengsla, kann alt ditt strev og slit vel gjera det?

²⁰Du må 'kje stunda etter natti, den natt då heile folkeslag vert blesne burt ifrå sin stad!

²¹Tak deg i vare, vend deg 'kje til synd! For du hev større hug til det enn til å lida.

²²Sjå, Gud er upphøgd i si kraft; kven er ein lærar slik som han?

²³Kven hev vel synt han vegen hans, kven segjer vel: Du gjorde urett?

²⁴Sjå til du prisar høgt hans verk, som menneski hev sunge um!

²⁵All verdi ser på det med lyst; menneskja skodar det langt undan.

²⁶Sjå, Gud er stor, og me forstend han ikkje; årtalet hans kann ingen finna ut;

²⁷han dreg vassdropar upp til seg, so det vert regn av skodde-eimen;

²⁸det fløymer ifrå skyene og dryp ned yver mange folk.

²⁹Finst det vel nokon som kann skyna korleis skyhopar breider seg, korleis det brakar frå hans tjeld? /[47]

³⁰Han breider ljoset sitt ikring seg og gøymer det med havsens røter. /[48]

³¹For soleis refser han vel folki, men gjev og rikeleg med føda.

³²Han sveiper hendene i ljos og sender det mot fienden.

³³Hans torebrak ber bod um han, ja, feet varslar når han kjem.