Read nynorsk 1938 Job 40 Bible Online

Job 40 - nynorsk 1938 bible

Job 40

¹Og Herren svara Job or stormen og sa:

²Spenn beltet på deg som ein mann! So vil eg spyrja deg, og du skal læra meg.

³Vil du då jamvel gjera retten min til inkjes, døma meg skuldig, so du sjølv fær rett?

⁴Hev du vel slik ein arm som Gud, og kann du dundra med ei røyst som hans?

⁵Pryd deg med høgd og herredom, klæd deg i glans og herlegdom!

⁶Lat so din vreide strøyma fram, og sjå på alle dei ovmodige og gjer dei mjuke!

⁷Ja, sjå på alle dei ovmodige og bøyg dei ned, og trakka ned dei gudlause på flekken!

⁸Gøym dei i moldi alle saman, bind deira andlet fast i myrkret!

⁹Då skal eg prisa deg, eg og, for di høgre hand kann hjelpa deg.

¹⁰Sjå Behemot, som eg hev skapt so vel som deg; plent som ein ukse et han gras. /[53]

¹¹Sjå for ei kraft i lendene, for styrke i hans bukmusklar!

¹²Han strekkjer halen som ein seder; lårsenane er samantvinna.

¹³Hans knokar er som koparrøyrer, hans bein som stenger utav jarn.

¹⁴Han er det fremste av Guds verk; av skaparen fekk han sitt sverd. /[54]

¹⁵Fjelli gjev av seg fôr åt han, og alle villdyr leikar der.

¹⁶Han kviler under lotusbuskor og ligg i livd av røyr og sev.

¹⁷Lotusbuskor gjev han tak og skugge, og piletrei attmed bekken hegnar han.

¹⁸Gjeng elvi strid - han ottast ikkje; trygg er han um so sjølve Jordan kjem fossande imot hans gap.

¹⁹Tru nokon tek han so han ser det, og dreg ei snara gjenom nosi hans?

²⁰Tru du kann draga Leviatan upp med krok og tvinga tunga hans med snøre? /[55]

²¹Kann du få sett ei sevlina i nosi hans, bora ein krok igjenom kjaken hans?

²²Tru han vil beda mykje for seg eller tala mjuke ord til deg?

²³Tru han vil gjera samband med deg, so han vert trælen din for alltid?

²⁴Kann du vel leika med han liksom med ein fugl og halda han i band til gjenteborni dine?

²⁵Skal tru eit fiskarlag kann kjøpslå um han, stykkja han ut imillom kræmarane?

²⁶Kann du vel fylla hudi hans med spjot og like eins hans hovud med harpunar?

²⁷Ja, prøv å leggja hand på han! Den striden kjem du til å minnast og gjer det ikkje ein gong til!

²⁸Nei, den som vågar slikt, lid vonbrot; berre han ser han, stuper han i koll.