Read nynorsk 1938 Salmane 11 Bible Online

Salmane 11 - nynorsk 1938 bible

Salmane 11

¹Til songmeisteren; av David. / Til Herren flyr eg inn; kor kann de då segja til mi sjel: Fly til dykkar fjell som ein fugl?

²For sjå, dei ugudlege spenner bogen, dei legg si pil på strengen og vil skjota i myrkret på dei ærlege i hjarta.

³Når grunnvollane vert nedrivne, kva kann då den rettferdige gjera?

⁴Herren er i sitt heilage tempel, Herrens kongsstol er i himmelen, hans augo skodar, ein blink av hans augo prøver mannsborni.

⁵Herren prøver den rettferdige; men den ugudlege og den som elskar vald, hatar hans sjel.

⁶Han let snaror regna ned på dei ugudlege; eld og svovel og glodheit vind vert dei tilmælt i deira staup.

⁷For Herren er rettferdig, han elskar rettferd; på den ærlege ser hans åsyn.