Read nynorsk 1938 Salmane 112 Bible Online

Salmane 112 - nynorsk 1938 bible

Salmane 112

¹Halleluja! Sæl er den mann som ottast Herren, som hev si store lyst i bodi hans.

²Hans avkjøme skal vera veldigt på jordi; ætti av dei ærlege skal verta velsigna.

³Det er velstand og rikdom i hans hus, og hans rettferd stend æveleg fast.

⁴Det renn upp eit ljos i myrker for dei ærlege, for den som er nådig og miskunnsam og rettferdig.

⁵Vel gjeng det den mann som er miskunnsam og gjev lån; han hevdar all si sak i retten.

⁶For dei skal ikkje rikka han i all æva; den rettferdige skal vera i æveleg minne.

⁷For vond tidend skal han ikkje reddast; hans hjarta er fast, det lit på Herren.

⁸Hans hjarta er trygt; han reddast ikkje, til dess han ser med lyst på sine fiendar.

⁹Han hev strått ut, han hev gjeve til dei fatige; hans rettferd stend æveleg fast, hans horn skal verta upplyft med æra.

¹⁰Den ugudlege skal sjå det og harmast, han skal skjera tenner og tærast upp; det dei ugudlege trår etter, vert upp i inkje.