Read nynorsk 1938 Salmane 113 Bible Online

Salmane 113 - nynorsk 1938 bible

Salmane 113

¹Halleluja! Lova, de Herrens tenarar, lova Herrens namn!

²Herrens namn vere lova frå no og til æveleg tid!

³Frå solekoma og til soleglad er Herrens namn høglova.

⁴Høg yver alle heidningar er Herren, yver himmelen er hans æra.

⁵Kven er som Herren vår Gud, han som tronar so høgt,

⁶han som ser so djupt ned, i himmelen og på jordi,

⁷han som reiser den ringe or dusti, lyfter den fatige or skarnet

⁸og sessar han hjå hovdingar, hjå sitt folks hovdingar,

⁹han som let barnlaus kona bu som ei glad barnemor! Halleluja!