Read nynorsk 1938 Salmane 116 Bible Online

Salmane 116 - nynorsk 1938 bible

Salmane 116

¹Eg elskar Herren, for han høyrer mi røyst, mine hjartebøner.

²For han hev halla sitt øyra til meg, og alle mine dagar vil eg kalla på han.

³Daudsens reip hadde spent seg um meg, helheims redslor hadde funne meg; naud og sorg fann eg.

⁴Men eg kalla på Herrens namn: Å Herre, berga mi sjel!

⁵Herren er nådig og rettferdig, og vår Gud er miskunnsam.

⁶Herren varar dei einfalde; eg var ein arming, og han frelste meg.

⁷Kom attende, mi sjel, til di ro! For Herren hev gjort vel imot deg.

⁸For du fria mi sjel frå dauden, mitt auga frå gråt, min fot frå fall.

⁹Eg skal ferdast for Herrens åsyn i landi åt dei levande.

¹⁰Eg trudde, for eg tala; eg var i stor plaga.

¹¹Eg sa i min reddhug: Kvar mann er ein ljugar!

¹²Kva skal eg gjeva Herren att for alle hans velgjerningar imot meg?

¹³Eg vil lyfta frelse-staupet og kalla på Herrens namn.

¹⁴Mine lovnader vil eg halda for Herren, og det for augo på alt hans folk.

¹⁵Dyr er i Herrens augo dauden åt hans heilage.

¹⁶Å Herre! Eg er din tenar, veit du, eg er din tenar, son åt di tenestkvinna; du hev løyst mine band.

¹⁷Til deg vil eg ofra takkoffer, og Herrens namn vil eg påkalla.

¹⁸Mine lovnader vil eg halda for Herren, og det for augo på alt hans folk,

¹⁹i fyregardane til Herrens hus, midt i deg, Jerusalem. Halleluja!