Read nynorsk 1938 Salmane 118 Bible Online

Salmane 118 - nynorsk 1938 bible

Salmane 118

¹Prisa Herren, for han er god, hans miskunn varer æveleg!

²Israel segje: Hans miskunn varer æveleg!

³Arons hus segje: Hans miskunn varer æveleg!

⁴Dei som ottast Herren, segje: Hans miskunn varer æveleg!

⁵Ut or trengsla ropa eg på Herren; Herren svara meg og førde meg ut i det frie.

⁶Herren er med meg, eg reddast ikkje; kva kann menneske gjera meg?

⁷Herren er med meg og hjelper meg, og eg skal sjå med lyst på dei som hatar meg.

⁸Det er betre å fly til Herren enn å lita på menneske.

⁹Det er betre å fly til Herren enn å lita på hovdingar.

¹⁰Alle heidningar kringset meg; i Herrens namn skal eg hogga dei ned.

¹¹Dei kringset meg, ja, dei kringrenner meg; i Herrens namn skal eg hogga dei ned.

¹²Dei kringset meg som bior, dei sloknar som eld i klunger; i Herrens namn skal eg hogga dei ned.

¹³Hardt støytte du meg so eg skulde falla; men Herren hjelpte meg. /[106]

¹⁴Herren er min styrke og lovsong, og han vart meg til frelsa.

¹⁵Fagnadrop um frelsa er å høyra i tjeldi åt dei rettferdige; Herrens høgre hand gjer storverk.

¹⁶Herrens høgre hand upphøgjer, Herrens høgre hand gjer storverk.

¹⁷Eg skal ikkje døy, men leva og fortelja Herrens gjerningar.

¹⁸Hardt tukta Herren meg, men til dauden gav han meg ikkje.

¹⁹Lat upp for meg rettferds portar! Eg vil ganga inn gjenom dei, eg vil prisa Herren.

²⁰Dette er Herrens port; dei rettferdige skal ganga inn gjenom den.

²¹Eg vil prisa deg for di du svara meg og vart meg til frelsa.

²²Den steinen som byggjarane vanda, hev vorte hyrnestein.

²³Det er Herren sjølv som hev gjort det so; for oss er det eit stort under.

²⁴Dette er dagen som Herren hev gjort; lat oss fegnast og gleda oss no!

²⁵Å Herre, frels då! Å Herre, lat det då lukkast!

²⁶Velsigna vere han som kjem i Herrens namn! Me velsignar dykk frå Herrens hus.

²⁷Herren er Gud, og han let det verta ljost for oss. Bitt høgtidsofferet med reip alt inn til horni på altaret!

²⁸Du er min Gud, og eg vil prisa deg, min Gud, eg vil upphøgja deg.

²⁹Prisa Herren, for han er god, hans miskunn varer æveleg!