Read nynorsk 1938 Salmane 12 Bible Online

Salmane 12 - nynorsk 1938 bible

Salmane 12

¹Til songmeisteren, etter Sjeminit; ein salme av David. /[12]

²Frels, Herre! For dei gudlege er burte, dei trufaste finst ikkje meir millom mannsborni.

³Lygn talar dei, kvar med sin næste, med smeikjande lippor; med tvihuga hjarta talar dei.

⁴Herren rydje ut alle smeikjande lippor, den tunga som talar store ord,

⁵dei som segjer: Ved vår tunga skal me sigra; våre lippor er med oss, kven er herre yver oss?

⁶Etter di dei arme fer ille, og dei fatige sukkar, vil eg no reisa meg, segjer Herren; eg vil hjelpa dei til frelsa som stundar deretter.

⁷Herrens ord er reine ord, liksom sylv som er reinsa i ei deigla i jordi, sju gonger skirt.

⁸Du, Herre, vil vara dei, du vil verna dei mot denne ætti for all tid.

⁹Rundt um sviv dei ugudlege ikring, når nidingskap vert sett høgt hjå mannsborni.