Read nynorsk 1938 Salmane 124 Bible Online

Salmane 124 - nynorsk 1938 bible

Salmane 124

¹Ein song til høgtidsferdene; av David. / Hadde ikkje Herren vore med oss - so segje Israel -

²hadde ikkje Herren vore med oss då menneske stod upp imot oss,

³so hadde dei gløypt oss levande, då deira vreide loga imot oss,

⁴so hadde vatni flødt yver oss, ei elv gjenge yver vår sjel,

⁵so hadde dei gjenge yver vår sjel, dei storlåtne vatni.

⁶Lova vere Herren, som ikkje gav oss til åt for deira tenner!

⁷Vår sjel slapp undan som ein fugl or fangarsnara; snara rivna sund, og me slapp undan.

⁸Vår hjelp er i Herrens namn, han som gjorde himmel og jord.