Read nynorsk 1938 Salmane 142 Bible Online

Salmane 142 - nynorsk 1938 bible

Salmane 142

¹Ein salme til lærdom av David, då han var i helleren, ei bøn.

²Med røysti mi ropar eg til Herren, med røysti mi bed eg inderleg til Herren.

³Eg renner ut mi sorg for hans åsyn, for hans åsyn segjer eg frå um mi naud.

⁴Når mi ånd ormektast i meg, so kjenner då du min stig; på den veg eg skal ganga, hev dei lagt løynde snaror for meg.

⁵Skoda til mi høgre sida og sjå! Det er ingen som kjennest ved meg; all livd er burte for meg, ingen spør etter mi sjel.

⁶Eg ropar til deg, Herre! Eg segjer: Du er mi livd, min lut i landet åt dei levande.

⁷Akta på mitt klagerop, for eg er ovleg arm! Fria meg frå mine forfylgjarar, for dei er meg for sterke!

⁸Før mi sjel ut or fengslet, so eg kann lova ditt namn! Dei rettferdige skal samla seg kring meg, når du gjer vel imot meg.