Read nynorsk 1938 Salmane 16 Bible Online

Salmane 16 - nynorsk 1938 bible

Salmane 16

¹Ein miktam av David. / Vara meg, Gud! for eg flyr til deg. /[14]

²Eg segjer til Herren: Du er min Herre; eg hev inkje godt utan deg -

³med di eg held meg til dei heilage som er i landet, og dei herlege som eg hev all min hugnad i.

⁴Mange sorger skal dei hava som byter åt seg andre; eg vil ikkje renna ut deira drykkoffer av blod og ikkje taka deira namn på mine lippor. /[15][16][17]

⁵Herren er min tilmælte deil og mitt staup; du gjer min lut herleg.

⁶Ein lut er meg tilfallen som er av dei huglege, ja, ein arv som eg finn fager.

⁷Eg vil lova Herren som gav meg råd; endå um nætene minner mine nyro meg um det.

⁸Eg set alltid Herren framfyre meg; for han er ved mi høgre hand, eg skal ikkje verta rikka.

⁹Difor gled mitt hjarta seg, og mi æra fagnar seg; ja, ogso mitt kjøt skal bu i trygd. /[18]

¹⁰For du vil ikkje yverlata mi sjel til helheimen, du vil ikkje lata din heilage sjå undergang.

¹¹Du vil kunngjera meg livsens veg; ei nøgd med gleda er for di åsyn, fagnad ved di høgre hand til æveleg tid.