Read nynorsk 1938 Salmane 19 Bible Online

Salmane 19 - nynorsk 1938 bible

Salmane 19

¹Til songmeisteren; ein salme av David.

²Himlane fortel Guds æra, og kvelven forkynner kva hans hender hev gjort.

³Ein dag let sin tale strøyma ut til den andre, og ei natt forkynner den andre sin kunnskap.

⁴Der er ikkje tale, der er ikkje ord; deira røyst vert ikkje høyrd. /[20]

⁵Ut yver all jordi gjeng deira mælesnor, og til heimsens ende deira ord. Åt soli hev han sett eit tjeld på dei. /[21]

⁶Og ho er lik ein brudgdom som gjeng ut or sin kove, gled seg som ei kjempa til å renna sitt skeid.

⁷Frå enden av himmelen er hennar utgang, og hennar umlaup til andre enden av han, og ingen ting er duld for hennar hete.

⁸Herrens lov er fullkomi, ho kveikjer sjeli; Herrens vitnemål er trufast, det gjer den einfalde vis.

⁹Herrens fyresegner er rette, dei gled hjarta; Herrens bodord er reint, det lyser upp augo.

¹⁰Herrens age er rein, han stend æveleg ved lag; Herrens lover er sanning, dei er rettferdige alle saman.

¹¹Dei er kostelegare enn gull, ja fint gull i mengd, og søtare enn honning, ja honning som dryp or vokskakone.

¹²Din tenar vert ogso påmint ved dei; den som held dei, hev stor løn.

¹³Kven merkar kor tidt han fer vilt? Forlat meg mine løynlege brester!

¹⁴Haldt og din tenar frå skamlege synder, lat dei ikkje få makt yver meg! So vert eg ulastande og utan skuld for store misgjerningar.

¹⁵Lat talen i min munn og tanken i mitt hjarta vera til hugnad for di åsyn, Herre, du mitt berg og min atterløysar!