Read nynorsk 1938 Salmane 27 Bible Online

Salmane 27 - nynorsk 1938 bible

Salmane 27

¹Av David. / Herren er mitt ljos og mi frelsa, kven skulde eg ottast for? Herren er verni for mitt liv, kven skulde eg reddast for?

²Når illmenne søkjer på meg og vil gløypa meg, mine motstandarar og mine fiendar, so snåvar og fell dei sjølve.

³Um ein her lægrar seg imot meg, so ottast ikkje mitt hjarta; um ufred reiser seg imot meg, er eg endå hugheil.

⁴Eitt hev eg bede Herren um, det stundar eg etter: at eg må bu i Herrens hus alle mine levedagar, so eg kann skoda Herrens ynde og grunda i hans tempel.

⁵For han gøymer meg i sitt hus på den vonde dag, han løyner meg i løynrom i sitt tjeld, han fører meg upp på eit berg.

⁶Og no skal mitt hovud lyfta seg yver mine fiendar rundt ikring meg, og eg vil bera fram offer med fagnadljod i hans tjeld, eg vil prisa og lovsyngja Herren.

⁷Høyr, Herre, eg ropar høgt, og ver meg nådig og svara meg!

⁸Mitt hjarta ber fram for deg [ditt ord]: Søk mi åsyn! Herre, eg søkjer di åsyn.

⁹Løyn ikkje di åsyn for meg, vis ikkje din tenar frå deg i vreide! Du hev vore mi hjelp. Støyt meg ikkje burt og forlat meg ikkje, du Gud som er mi frelsa!

¹⁰For far min og mor mi hev forlate meg, men Herren tek meg upp.

¹¹Lær meg, Herre, din veg, og leid meg på den jamne stig for mine fiendar skuld!

¹²Gjev meg ikkje til mordhugen åt uvenene mine! for falske vitne stend upp imot meg, og folk som frøser av vald.

¹³Å, dersom eg ikkje trudde at eg skulde få sjå Herrens godhug i livsens land!

¹⁴Venta på Herren, ver hugheil, og lat ditt hjarta vera sterkt, ja, venta på Herren!