Read nynorsk 1938 Salmane 28 Bible Online

Salmane 28 - nynorsk 1938 bible

Salmane 28

¹Av David. / Til deg, Herre, ropar eg. Mitt berg, ver ikkje dauv imot meg, so eg ikkje, um du tegjer til meg, skal verta lik dei som fer ned i gravi!

²Høyr røysti av mine inderlege bøner, når eg ropar til deg, når eg lyfter mine hender til ditt heilage høgkor!

³Riv meg ikkje burt med dei ugudlege og med ugjerningsmenner, dei som talar um fred med sin næste, men med vondt i sitt hjarta!

⁴Gjev dei etter deira gjerning og etter deira vonde åtferd! Gjev dei etter det deira hender hev gjort, løn dei som dei hev fortent!

⁵For dei ansar ikkje på det som Herren gjer, eller på verket av hans hender; han skal riva dei ned og ikkje byggja dei upp.

⁶Lova vere Herren, for han hev høyrt røysti av mine inderlege bøner!

⁷Herren er min styrke og min skjold; til han hev mitt hjarta sett si lit, og eg fær hjelp; difor fagnar mitt hjarta seg høgt, og eg vil prisa han med min song.

⁸Herren er deira styrke og ei vern til frelsa for den han hev salva. /[25]

⁹Frels ditt folk og velsigna din arv, og fød dei og ber dei til æveleg tid!