Read nynorsk 1938 Salmane 29 Bible Online

Salmane 29 - nynorsk 1938 bible

Salmane 29

¹Ein salme av David. / Gjev Herren, de Guds søner, gjev Herren æra og makt!

²Gjev Herren hans namns æra, tilbed Herren i heilag prydnad!

³Herrens røyst ljodar yver vatni, Gud den herlege torar, Herren yver dei store vatni.

⁴Herrens røyst ljodar med velde, Herrens røyst med herlegdom.

⁵Herrens røyst bryt sund sedertre, Herren bryt sund sedertrei på Libanon,

⁶og han fær dei til å hoppa som ein kalv, Libanon og Sirjon som ein ung villukse.

⁷Herrens røyst slengjer ut kløyvde eldslogar.

⁸Herrens røyst fær øydemarki til å skjelva, Herren fær Kadesøydemarki til å skjelva.

⁹Herrens røyst får hindane til å kalva og snøyder skogane, og i hans tempel segjer alt: Æra!

¹⁰Herren sat på kongsstolen i storflod-tidi, og Herren sit konge til æveleg tid.

¹¹Herren skal gjeva sitt folk styrke, Herren skal velsigna sitt folk med fred.