Read nynorsk 1938 Salmane 30 Bible Online

Salmane 30 - nynorsk 1938 bible

Salmane 30

¹Ein salme, ein song då huset vart vigt, av David.

²Eg vil upphøgja deg, Herre, for du hev drege meg upp og ikkje late mine fiendar gleda seg yver meg.

³Herre, min Gud, eg ropa til deg, og du lækte meg.

⁴Herre, du hev ført mi sjel upp or helheimen, du hev vekt meg upp til liv frå dei som fer ned i gravi.

⁵Syng lov til Herren, de hans trugne, og prisa hans heilage namn!

⁶For ein augneblink varer hans vreide, ei heil levetid hans nåde; um kvelden kjem gråt til gjest, men um morgonen vert det gledesong.

⁷Men eg sa i min tryggleik: Eg skal ikkje verta rikka i all æva.

⁸Herre, ved din nåde hadde du grunnfest mitt fjell; du løynde di åsyn, då vart eg forfærd.

⁹Til deg, Herre, ropa eg, og til Herren bad eg so audmjukt:

¹⁰Kva vinning er det i mitt blod, i at eg fer ned i gravi? Kann moldi prisa deg, kann ho forkynna din truskap?

¹¹Herre, høyr og ver meg nådig! Herre, ver min hjelpar!

¹²Du vende mi sorg um til dans for meg, du klædde av meg min syrgjebunad og gyrde meg med gleda,

¹³so mi æra skal lovsyngja deg og ikkje tagna. Herre min Gud, eg vil æveleg prisa deg. /[26]