Read nynorsk 1938 Salmane 32 Bible Online

Salmane 32 - nynorsk 1938 bible

Salmane 32

¹Av David; ein song til lærdom. / Sæl er den som hev fenge si misgjerd tilgjevi og si synd yverbreidd.

²Sælt er det menneske som Herren ikkje tilreknar skuld, og som er utan svik i si ånd.

³Då eg tagde, morkna mine bein, med di eg stunde heile dagen.

⁴For dag og natt låg di hand tungt på meg, mi livssaft torna ut som i sumarturken. Sela.

⁵Eg sanna mi synd for deg og dulde ikkje mi skuld; eg sa: Eg vil sanna mine misgjerningar for Herren. Og du tok burt mi syndeskuld. Sela.

⁶Difor skal kvar som er trugen, beda til deg den tid du er finnande. Sanneleg, når store vassfløde kjem, til han skal dei ikkje nå.

⁷Du er mi gøymsla, du vaktar meg for trengsla; du let fagnadrop um frelsa ljoda ikring meg. Sela.

⁸Eg vil læra deg og visa deg den vegen du skal ganga; eg vil gjeva deg råd med mitt auga på deg.

⁹Ver ikkje som hest og muldyr, som ikkje hev vit! Deira prydnad er taum og beisl til å tvinga dei, elles kjem dei ikkje nær til deg.

¹⁰Den ugudlege hev mange pinor, men den som lit på Herren, han kransar han med miskunn.

¹¹Gled dykk i Herren og fegnast, de rettferdige, og syng av fagnad, alle de ærlege i hjarta!