Read nynorsk 1938 Salmane 33 Bible Online

Salmane 33 - nynorsk 1938 bible

Salmane 33

¹Fagna dykk høgt i Herren, de rettferdige! For dei ærlege sømer seg lovsong.

²Prisa Herren med citar, lovsyng han til tistrengja harpa!

³Syng han ein ny song, rør strengen fagert med fagnadljod!

⁴For Herrens ord er ærleg meint, og all hans gjerning er trufast.

⁵Han elskar rettferd og rett; av Herrens miskunn er jordi full.

⁶Himlane er skapte ved Herrens ord, og all deira her ved hans munns ande.

⁷Han samlar havsens vatn som ein dunge, legg dei djupe vatn i upplagshus.

⁸All jordi må ottast for Herren, for han skjelve alle som bur i mannheimen!

⁹For han tala, og so vart det; han baud, og so stod det der.

¹⁰Herren spiller heidningfolks råd, gjer folkeslags tankar til inkjes.

¹¹Herrens råd stend ved lag i all æva, hans hjartans tankar frå ætt til ætt.

¹²Sælt er det folk som hev Herren til sin Gud, det folk som han valde ut til sin arv.

¹³Frå himmelen skodar Herren ned, han ser alle mannsborni.

¹⁴Frå den staden der han bur, ser han ned til alle som bur på jordi,

¹⁵han som hev laga deira hjarto alle saman, han som aktar på alle deira gjerningar.

¹⁶Ein konge vert ikkje frelst ved si store hermakt, ei kjempa ikkje berga ved si store kraft.

¹⁷Hesten er sviksam hjelp til frelsa, og med sin store styrke bergar han ikkje.

¹⁸Sjå, Herrens auga ser til dei som ottast han, som ventar på hans miskunn,

¹⁹til å fria deira sjel frå dauden og halda dei i live i hungersnaud.

²⁰Vår sjel ventar på Herren; han er vår hjelp og vår skjold.

²¹For i han gled vårt hjarta seg, for di me set vår lit til hans heilage namn.

²²Di miskunn, Herre, vere yver oss, so som me vonar på deg!