Read nynorsk 1938 Salmane 36 Bible Online

Salmane 36 - nynorsk 1938 bible

Salmane 36

¹Til songmeisteren; av David, Herrens tenar.

²Dei ord som syndi gjev den ugudlege inn, er i mitt inste hjarta. Ingen otte for Gud er det for hans augo. /[32]

³For han tykkjer det er ei æra når ein finn hans synd, når ein hatar han.

⁴Ordi i hans munn er urett og svik; han hev halde upp å fara visleg åt, å gjera godt.

⁵Han tenkjer upp urett på sitt lægje; han stig ut på ein veg som ikkje er god; han styggjest ikkje frå det vonde.

⁶Herre, til himmelen når di miskunn, din truskap upp til dei høge skyer.

⁷Di rettferd er som veldige fjell, dine domar er ei stort havdjup; menneske og dyr frelser du, Herre!

⁸Kor dyrverdig er di miskunn, Gud! Mannsborni flyr inn i skuggen av dine venger.

⁹Dei vert mette til fullnad av det feite i ditt hus, og av din yverflødande fagnad gjev du dei å drikka.

¹⁰For hjå deg er livsens kjelda, i ditt ljos ser me ljos.

¹¹Lat di miskunn vara lenge for dei som kjenner deg, og di rettferd for dei ærlege i hjarta!

¹²Lat ikkje foten åt den ovmodige koma yver meg, og handi åt dei ugudlege ikkje jaga meg burt!

¹³Der fell dei som gjer urett; dei vert støytte ned og kann ikkje reisa seg.