Read nynorsk 1938 Salmane 39 Bible Online

Salmane 39 - nynorsk 1938 bible

Salmane 39

¹Til songmeisteren, til Jedutun; ein salme av David.

²Eg sa: Eg vil vakta mine vegar, so eg ikkje syndar med mi tunga; eg vil leggja taum på min munn, so lenge den ugudlege er meg for augo.

³Eg tagna og var kurende still; eg tagde til ingen bate, og mi liding vart rørd upp.

⁴Mitt hjarta brann i min barm, ved mi grunding kveiktest eld; - eg tala med mi tunga:

⁵Herre, lat meg få vita min ende, og målet på mine dagar, kva det er! Lat meg vita kva tid eg skal burt!

⁶Sjå, som ei handbreidd hev du sett mine dagar, og mi livstid er som ingen ting for deg; berre som den tome fåfengd er kvart menneske, um han stend aldri so stødt. Sela.

⁷Berre som ein skugge gjeng mannen ikring, berre til fåfengs ståkar dei; han dungar i hop og veit ikkje kven som skal sanka det inn.

⁸Og no, kva vonar eg, Herre? - Mi von stend til deg.

⁹Frels meg frå alle mine brot, gjer meg ikkje til spott for dåren!

¹⁰Eg tegjer og let ikkje upp min munn; for du hev gjort det.

¹¹Tak burt frå meg di plaga! Ved slag av di hand er det ute med meg.

¹²Tuktar du ein mann med refsing for misgjerd, so øyder du hans herlegdom som molen; berre fåfengd er kvart menneske. Sela.

¹³Høyr mi bøn, Herre, og vend øyra til mitt rop, teg ikkje til min gråt! for eg er framand hjå deg, ein gjest som alle mine feder.

¹⁴Sjå burt frå meg, so eg kann kvikna til, fyrr eg fer herifrå og er ikkje meir!