Read nynorsk 1938 Salmane 48 Bible Online

Salmane 48 - nynorsk 1938 bible

Salmane 48

¹Ein song, ein salme; av Korahs born.

²Stor er Herren og høglova i vår Guds by, på hans heilage fjell.

³Fagert ris det, ein fagnad for all jordi er Sions fjell, utkanten av nordheimen, byen åt den store kongen. /[39]

⁴Gud er i borgene der, han hev synt at han er ei fast vern.

⁵For sjå, kongane kom saman og drog fram i lag.

⁶Dei såg - då vart dei forfærde; dei vart vitskræmde, flydde i bråhast.

⁷Ein skjelv greip dei der, angest som hjå ei barnsjuk kvinna.

⁸Med austanvind braut du sund Tarsis-skip.

⁹Liksom me hadde høyrt, so hev me no set det i Herren, allhers Gud by, i vår Guds by; Gud gjer han fast til æveleg tid. Sela.

¹⁰Me grundar på di miskunn, Gud, midt i ditt tempel.

¹¹Som ditt namn, Gud, so er din pris alt til endane av jordi; di høgre hand er full av rettferd.

¹²Sionfjellet gled seg, Juda døtter fagnar seg yver dine domar.

¹³Gakk ikring Sion, far rundt um henne, tel hennar tårn!

¹⁴Legg merke til hennar vollar, gakk igjenom hennar borger, so de kann fortelja um det til den komande ætt.

¹⁵For denne Gud er vår Gud æveleg og alltid; han skal føra oss ut yver dauden.