Read nynorsk 1938 Salmane 5 Bible Online

Salmane 5 - nynorsk 1938 bible

Salmane 5

¹Til songmeisteren, til Nehilot; ein salme av David. /[2]

²Vend øyra til mine ord, Herre, gjev gaum etter min tanke!

³Lyd til mitt naudrop, min konge og min Gud! For til deg bed eg.

⁴Herre, um morgonen høyre du mi røyst; um morgonen legg eg mi sak fram for deg og ventar.

⁵For du er ikkje ein Gud som hev hugnad i ugudleg åtferd; den vonde fær ikkje bu hjå deg.

⁶Dei ovmodige fær ikkje stiga fram for dine augo; du hatar alle som gjer urett.

⁷Du let dei som talar lygn, ganga til grunns; den blodgjeruge og falske mann styggjest Herren ved.

⁸Men eg gjeng ved di store miskunn inn i ditt hus, eg kastar meg på kne framfor ditt heilage tempel med otte for deg.

⁹Herre, leid meg ved di rettferd for mine motstandarar skuld, jamna din veg for mi åsyn!

¹⁰For det finst ikkje sanning i deira munn; det indre i dei er tyning; strupen deira er ei opi grav; tunga si gjer dei hål.

¹¹Døm dei skuldige, Gud! Lat dei falla for sine eigne meinråder, støyt dei ned for deira mange misgjerningar! For dei set seg upp mot deg.

¹²Då skal dei gleda seg alle som flyr til deg; til æveleg tid skal dei fagna seg høgt, og du skal verna um dei; og dei som elskar ditt namn, skal frygda seg i deg.

¹³For du, Herre, velsignar den rettferdige; du vernar han med nåde som med ein skjold.