Read nynorsk 1938 Salmane 51 Bible Online

Salmane 51 - nynorsk 1938 bible

Salmane 51

¹Til songmeisteren; ein salme av David,

²då profeten Natan var komen til han, etter han hadde gjenge inn til Batseba.

³Gud, ver meg nådig etter di miskunn! Sletta ut mine brot etter din store godhug!

⁴Två meg vel rein frå mi misgjerning, og reinsa meg frå mi synd!

⁵For mine brot kjenner eg, og mi synd er alltid framfor meg.

⁶Mot deg einast hev eg synda, og det som vondt er i dine augo, hev eg gjort, so du må vera rettferdig når du talar, vera rein når du dømer. /[40]

⁷Sjå, eg er fødd i misgjerning, og mor mi hev avla meg i synd.

⁸Sjå, du hev lyst til sanning i inste hjarta; so lær meg då visdom i hjartedjupet!

⁹Reinsa meg frå synd med isop, so eg vert rein! Två meg, so eg vert kvitare enn snø!

¹⁰Lat meg høyra fagnad og gleda, lat dei bein fagna seg som du hev slege sund!

¹¹Løyn di åsyn for mine synder, og sletta ut alle mine misgjerningar!

¹²Gud, skap i meg eit reint hjarta, og nya uppatt ei stødig ånd inni meg!

¹³Kasta meg ikkje burt frå di åsyn, og tak ikkje din Heilage Ande frå meg!

¹⁴Lat meg atter få fagna meg yver di frelsa, og haldt meg uppe med ei viljug ånd!

¹⁵So vil eg læra lovbrjotarar dine vegar, og syndarar skal venda um til deg.

¹⁶Gud, fria meg frå blodskuld, Gud, mine frelsar! So skal mi tunga fagna seg høgt yver di rettferd.

¹⁷Herre, lat upp mine lippor! So skal min munn kunngjera din pris.

¹⁸For du hev ikkje lyst til slaktoffer - elles skulde eg gjeva deg det; i brennoffer hev du ikkje hugnad.

¹⁹Offer for Gud er ei sundbroti ånd; eit sundbrote og knust hjarta vil du, Gud, ikkje forsmå.

²⁰Gjer vel imot Sion etter din nåde, bygg murane åt Jerusalem!

²¹Då skal du hava hugnad i rettferds offer, i brennoffer og heiloffer; då skal dei ofra uksar på ditt altar.