Read nynorsk 1938 Salmane 52 Bible Online

Salmane 52 - nynorsk 1938 bible

Salmane 52

¹Til songmeisteren; ein salme til lærdom av David,

²då edomiten Doeg kom og fortalde Saul og sa til han: David er komen i Akimeleks hus.

³Kvi rosar du deg av vondskap, du veldige? Guds miskunn varer all dagen.

⁴På tyning stilar di tunga, lik ein kvest rakekniv, du som legg upp svikråder.

⁵Du elskar det vonde i staden for det gode, lygn i staden for å tala sant. Sela.

⁶Du elskar kvart tynande ord, du svikfulle tunga!

⁷So skal og Gud riva deg ned for alltid; han skal gripa deg og rykkja deg ut or tjeldet og rydja deg ut or landet åt dei levande. Sela.

⁸Og dei rettferdige skal sjå det og ottast, og dei skal læ åt han og segja:

⁹Sjå der den mann som ikkje heldt Gud for si sterke vern, men sette si lit til sin store rikdom, sette sin styrke i sin vondskap.

¹⁰Men eg er som eit grønt oljetre i Guds hus, eg set mi lit til Guds miskunn æveleg og alltid.

¹¹Eg vil lova deg til æveleg tid, for du hev gjort det, og eg vil venta på ditt namn, for det er godt, for augo på dine trugne.