Read nynorsk 1938 Salmane 57 Bible Online

Salmane 57 - nynorsk 1938 bible

Salmane 57

¹Til songmeisteren: “Tyn ikkje”[45][46]

²Ver meg nådig, Gud, ver meg nådig! For til deg flyr mi sjel, og i skuggen av dine vengjer søkjer eg livd til dess ulukka gjeng yver.

³Eg ropar til Gud, den Høgste, til den Gud som fullfører sitt verk for meg.

⁴Han sender hjelp frå himmelen og bergar meg, når hans som vil sluka meg spottar. Sela. Gud sender si miskunn og sin truskap.

⁵Mi sjel er millom løvor; eg lyt liggja millom dei som spruter eld, millom menneske som til tenner hev spjot og piler, og til tunga eit kvast sverd.

⁶Gud, syn deg høg yver himmelen, di æra yver heile jordi!

⁷Dei set garn for mine steg, mi sjel er nedbøygd; dei grev ei grav for meg, so fell dei midt i henne sjølve. Sela.

⁸Mitt hjarta er roleg, Gud, mitt hjarta er roleg; eg vil syngja og lovsyngja.

⁹Vakna, mi æra! Vakna, harpa og citar! Eg vil vekkja morgonroden. /[47]

¹⁰Eg vil prisa deg millom folki, Herre, eg vil lovsyngja deg millom folkeslagi.

¹¹For di miskunn er stor alt til himmelen, og din truskap til dei høge skyer.

¹²Gud, syn deg høg yver himmelen, di æra yver heile jordi!