Read nynorsk 1938 Salmane 58 Bible Online

Salmane 58 - nynorsk 1938 bible

Salmane 58

¹Til songmeisteren; “Tyn ikkje”[48]

²Tru de verkeleg med dykkar tegjing talar det som er rettferd? Og dømer de rett, de mannsborn?

³Nei, i hjarta lagar de til misgjerningar, i landet veg de ut vald som kjem frå dykkar hender.

⁴Dei ugudlege gjeng på avveg alt frå morsfanget; ljugarane fer vilt alt frå morslivet.

⁵Eiter hev dei som ormeeiter; dei er som ein dauv orm, som dytter øyra til,

⁶so han ikkje høyrer på røysti åt ormetemjaren, på han som vel kann trolla.

⁷Gud, slå inn tennene i munnen deira, Herre, støyt sund jakslane på ungløvone!

⁸Lat dei kverva som burtrennande vatn! Legg nokon sine piler i bogen, so lat dei vera som utan odd!

⁹Lat dei vera som ein snigel, som løyser seg upp medan han gjeng, og liksom ei kvinna sitt ufullborne foster, som ikkje hev set soli!

¹⁰Fyrr dykkar grytor fær kjenna klungerriset, skal han blåsa det burt, både det friske og det som brenn. /[49]

¹¹Den rettferdige skal gleda seg, av di han ser hemn; han skal två sine føter i blodet av den ugudlege.

¹²Og folk skal segja: Det finst då frukt for den rettferdige; der er då ein Gud som dømer på jordi.