Read nynorsk 1938 Salmane 59 Bible Online

Salmane 59 - nynorsk 1938 bible

Salmane 59

¹Til songmeisteren; “Tyn ikkje”[50][51]

²Fria meg frå mine fiendar, min Gud, verna meg mot dei som stend upp imot meg,

³fria meg frå dei som gjer urett, og berga meg frå blodgjeruge menner!

⁴For sjå, dei ligg på lur og vil taka mitt liv; sterke menner slær seg saman imot meg, Herre, utan misgjerning og utan synd hjå meg.

⁵Utan at eg hev forbrote meg, renner dei fram og gjer seg reiduge. Vakna og møt meg, og sjå!

⁶Ja du, Herre, allhers Gud, Israels Gud, vakna til å heimsøkja alle heidningar, ver ikkje nådig mot nokon av dei falske nidingar! Sela.

⁷Dei kjem att um kvelden; dei hyler som hundar og renner kring i byen.

⁸Sjå, det gøyser ord ut or munnen deira, der er sverd i deira lippor; for kven høyrer det?

⁹Men du, Herre, lær åt dei, du spottar alle heidningar.

¹⁰Mot hans makt vil eg venta på deg; for Gud er mi borg. /[52]

¹¹Min Gud vil møta meg med si miskunn, Gud vil lata meg sjå med lyst på mine fiendar.

¹²Drep dei ikkje, so ikkje mitt folk skal gløyma det! Lat dei ved di makt flakka heimlause ikring og støyt dei ned, du Herre, vår skjold!

¹³Kvart ord på deira lippor er ei synd i deira munn; lat dei so verta fanga i sitt ovmod og for den banning og lygn som dei talar.

¹⁴Gjer ende på dei i vreide, gjer ende på dei, so dei ikkje meir er til, og lat dei vita at det er Gud som råder i Jakob, alt til endane av jordi! Sela.

¹⁵Og dei kjem att um kvelden, hyler som hundar og renner kring i byen.

¹⁶Dei flakkar um etter mat; vert dei ikkje mette, nattar dei yver slik dei er.

¹⁷Men EG vil syngja um din styrke og um morgonen fagna meg høgt yver di miskunn; for du er mi borg og mi livd den dag eg er i naud.

¹⁸Min styrke! For deg vil eg syngja; for Gud er mi borg, min miskunnsame Gud.