Read nynorsk 1938 Salmane 60 Bible Online

Salmane 60 - nynorsk 1938 bible

Salmane 60

¹Til songmeisteren; etter Sjusjan edut; ein miktam av David til å læra, /[53]

²då han stridde med syrarane frå Mesopotamia og syrarane frå Soba, og Joab kom att og slo tolv tusund edomitar i Saltdalen.

³Gud! Du hev støytt oss burt, du hev slege oss og drive oss frå kvarandre, du var vreid; kveik oss upp att!

⁴Du hev fenge jordi til å skjelva og rivna; bøt no brestene, for ho stend ikkje stødt!

⁵Du hev late folket ditt sjå harde ting, du hev skjenkt oss vin so me tumla.

⁶Men du hev gjeve dei som ottast deg, eit hermerke til uppreising, for sanning skuld. Sela.

⁷For at dei du elskar, må verta frelste, so hjelp no med di høgre hand og bønhøyr oss!

⁸Gud hev tala i sin heilagdom. Eg vil fagna meg; eg vil skifta ut Sikem, og Sukkotdalen vil eg mæla.

⁹Meg høyrer Gilead til, og meg høyrer Manasse til, og Efra'im er vern for mitt hovud, Juda er min styrarstav.

¹⁰Moab er mitt vaskefat, på Edom kastar eg skoen min; ropa høgt av fagnad for meg, du Filistarland!

¹¹Kven vil føra meg til den faste by? Kven leider meg til Edom?

¹²Er det ikkje du, Gud, du som støytte oss burt, du, Gud, som ikkje drog ut med våre herar?

¹³Gjev oss hjelp imot fienden for mannehjelp er fåfengd!

¹⁴Med Guds hjelp skal me gjera storverk, og han skal trakka ned våre fiendar.