Read nynorsk 1938 Salmane 62 Bible Online

Salmane 62 - nynorsk 1938 bible

Salmane 62

¹Til songmeisteren, for Jedutun; ein salme av David.

²Einast i von til Gud er mi sjel still; frå han kjem mi frelsa.

³Einast han er mitt fjell og mi frelsa, mi borg, dei skal ikkje rikka meg mykje.

⁴Kor lenge vil de alle storma inn på ein mann, brjota han ned som ein hallande mur, ein steingard som dei velter?

⁵Dei samråder seg berre um å støypa han ned frå hans høgd, dei likar lygn; med munnen velsignar dei, men i hjarta bannar dei. Sela.

⁶Einast i von til Gud ver still, mi sjel! For frå han kjem mi von.

⁷Einast han er mitt fjell og mi frelsa, mi borg, dei skal ikkje rikka meg.

⁸Hjå Gud er mi frelsa og mi æra; mitt sterke fjell, mi livd er i Gud.

⁹Lit på han til kvar tid, de folk! Renn dykkar hjarta ut for hans åsyn! Gud er livd for oss. Sela.

¹⁰Berre fåfengd er menneskeborn, berre lygn er mannesøner. I vektskåli stig dei til vers, dei er fåfengd alle saman.

¹¹Lit ikkje på vald, og set ikkje fåfengd von til gods som er rana! Når rikdomen aukar, so akta ikkje på det!

¹²Ein gong hev Gud tala, ja tvo gonger hev eg høyrt det, at styrke høyrer Gud til. /[54]

¹³Og hjå deg, Herre, er miskunn; for du gjev kvar ein etter hans gjerning.