Read nynorsk 1938 Salmane 64 Bible Online

Salmane 64 - nynorsk 1938 bible

Salmane 64

¹Til songmeisteren; ein salme av David.

²Gud, høyr mi røyst når eg klagar, vara mitt liv for fiende-skræmsla!

³Gøym meg for løyndelaget av dei vonde, for den bråkande hop av illgjerningsmenner,

⁴som kvesser si tunga som eit sverd, legg på bogen si pil, det beiske ordet,

⁵og vil skjota ned den skuldlause i løynd; brått skyt dei han og reddast ikkje.

⁶Dei gjer si vonde råd fast, dei fortel at dei vil leggja løynde snaror, dei segjer: Kven ser dei?

⁷Dei tenkjer upp ugjerningar: Me er ferdige, tanken er tenkt - og mannsens tankar og hjarta er djupe.

⁸Då skyt Gud dei; pili kjem brått og sårar dei.

⁹Dei stupar ned, deira tunge kjem yver dei; alle som ser på dei, rister på hovudet.

¹⁰Og alle menneske reddast og forkynner Guds gjerning, og dei skynar hans verk.

¹¹Den rettferdige gleder seg i Herren og flyr til han, og alle ærlege av hjarta prisar seg sæle.