Read nynorsk 1938 Salmane 66 Bible Online

Salmane 66 - nynorsk 1938 bible

Salmane 66

¹Til songmeisteren; ein song, ein salme. / Set i med fagnadrop for Gud, all jordi!

²Syng ut hans namns æra, gjev han æra til hans pris!

³Seg til Gud: Kor skræmelege dine verk er! For di store makt skuld må dine fiendar smeikja for deg.

⁴All jordi skal tilbeda deg og syngja deg lov, dei skal syngja um ditt namn. Sela.

⁵Kom og sjå Guds gjerningar! Skræmeleg er han i gjerning mot mannsborni.

⁶Han gjorde havet um til turrlende, gjenom elvi gjekk dei til fots; der gledde me oss i han!

⁷Han råder med sitt velde æveleg, hans augo gjæter heidningane; dei trassige må ikkje upphøgja seg. Sela.

⁸De folk, lova vår Gud og kunngjer hans pris med høg røyst,

⁹han som heldt vår sjel i live og ikkje let vår fot vera ustød!

¹⁰For du prøvde oss, Gud, du reinsa oss, som dei reinsar sylv.

¹¹Du førde oss inn i eit garn, du la ei tyngjande byrd på våre lender.

¹²Du let menneske fara yver vårt hovud; me kom i eld og vatn. Men du førde oss ut og kveikte oss.

¹³Eg vil ganga inn i ditt hus med brennoffer; eg vil gjeva deg det eg hev lova,

¹⁴det som gjekk yver mine lippor, og som munnen min tala då eg var i naud.

¹⁵Brennoffer av gjødslefe vil eg ofra til deg med eim av verar; eg vil ofra både uksar og bukkar. Sela.

¹⁶Kom og høyr, alle de som ottast Gud, so vil eg fortelja kva han hev gjort for mi sjel.

¹⁷Til han ropa eg med min munn, og lovsong var under tunga mi.

¹⁸Hadde eg stila på urett i mitt hjarta, vilde Herren ikkje høyra.

¹⁹Men Gud hev høyrt, han hev lydt etter mitt bønerop.

²⁰Lova vere Gud, som ikkje sa viste mi bøn ifrå seg og ikkje tok frå meg si miskunn!