Read nynorsk 1938 Salmane 7 Bible Online

Salmane 7 - nynorsk 1938 bible

Salmane 7

¹Ein sjiggajon av David, som han song for Herren på grunn av benjaminiten Kus' ord. /[4]

²Herre, min Gud! Eg flyr til deg; frels meg frå alle mine forfylgjarar og berga meg,

³so ikkje fienden som ei løva skal riva sund mi sjel, brjota sund, og det er ingen som bergar!

⁴Herre, min Gud! Dersom eg hev gjort dette, dersom det er urett i mine hender,

⁵dersom eg hev lønt den med vondt som heldt fred med meg, og plundra den som var min fiende utan årsak,

⁶so lat fienden forfylgja mi sjel og nå henne att og trakka mitt liv til jordi og leggja mi æra i moldi! Sela. /[5]

⁷Statt upp, Herre, i din vreide, reis deg mot ofsen hjå fiendane mine, og vakna upp til hjelp for meg, du som hev gjeve påbod um dom!

⁸Lat samlingi av folkeslagi standa rundt ikring deg, og far upp att yver dei til det høge!

⁹Herren held dom yver folki. Døm meg, Herre, etter mi rettferd og etter den uskyld som er hjå meg!

¹⁰Lat då vondskapen hjå dei ugudlege få ende, og lat den rettferdige standa stødt! For du er den som prøver hjarto og nyro, ein rettferdig Gud.

¹¹Min skjold er hjå Gud, han frelser dei som er ærlege i hjarta.

¹²Gud er ein rettferdig domar, og ein Gud som harmast kvar dag.

¹³So framt han ikkje vender um, so kvesser han sitt sverd, spenner sin boge og gjer han ferdig /[6][7]

¹⁴og legg banevåpen til rettes imot han; sine piler gjer han brennande.

¹⁵Sjå, han skal til å føda misgjerning; han er umhender med ulukka og føder lygn. /[8]

¹⁶Ei grav hev han grave og hola ut; men han fell i den grefti han gjorde.

¹⁷Den ulukka han emna på, kjem att yver hans hovud, og yver hans eigen kvervel fell hans valdsverk ned.

¹⁸Eg vil prisa Herren etter hans rettferd og lovsyngja namnet åt Herren den Høgste.