Read nynorsk 1938 Salmane 74 Bible Online

Salmane 74 - nynorsk 1938 bible

Salmane 74

¹Ein song til lærdom av Asaf. / Kvifor hev du, Gud, støytt oss burt til æveleg tid? Kvifor ryk din vreide mot den hjord du beiter?

²Kom i hug din lyd, som du vann deg i fordoms tid, som du løyste ut til å vera din arvs ætt, Sions fjell, der du bur.

³Lyft dine steg til dei ævelege grushaugar! Alt hev fienden fare ille med i heilagdomen.

⁴Dine motstandarar hev bura midt i ditt samlingshus; dei hev sett sine eigne merke upp til merke.

⁵Det såg ut som når ein lyfter øksar i tjukke skogen.

⁶Og no, alt som fanst av utskurd, det slo dei sund med øks og hamar.

⁷Dei hev sett eld på heilagdomen din; reint til grunnen hev dei vanhelga bustaden for ditt namn.

⁸Dei hev sagt i sitt hjarta: Me vil tyna dei alle i hop! Dei hev brent upp alle Guds samlingshus i landet.

⁹Våre eigne teikn ser me ikkje; det finst ingen profet lenger, og ingen hjå oss som veit kor lenge det skal vara.

¹⁰Gud, kor lenge skal motstandarane spotta, fienden vanvyrda ditt namn æveleg?

¹¹Kvifor dreg du di hand, di høgre hand attende? Tak henne ut or barmen og øydelegg!

¹²Gud er då min konge frå gamal tid, han som skaper frelsa på den vide jord.

¹³Det var du som skilde havet ved din styrke, krasa hovudi åt drakane på vatnet.

¹⁴Du slo sund hovudi åt Leviatan, du gav han til føda for folk i øydemarki. /[72]

¹⁵Du let kjelda og bekk renna fram, du turka ut årgangs elvar.

¹⁶Deg høyrer dagen til, deg høyrer og natti til; du hev skapt himmel-ljosi og soli.

¹⁷Du hev sett fast alle grensor på jordi; sumar og vinter - du hev laga dei.

¹⁸Kom i hug dette: Fienden hev spotta Herren, og eit dårleg folk hev vanvyrdt ditt namn!

¹⁹Gjev ikkje turtelduva di til den mordfuse flokken, gløym ikkje æveleg flokken av dine armingar!

²⁰Sjå til pakti! For løynkrokane i landet er fulle av valds-bøle.

²¹Lat ikkje den nedtrykte ganga burt med skam, lat den arme og fatige lova ditt namn!

²²Statt upp, Gud, før di sak! Kom i hug at du vert spotta av dåren heile dagen!

²³Gløym ikkje røysti åt dine fiendar, ståket frå dine motstandarar, som alltid stig upp!