Read nynorsk 1938 Salmane 76 Bible Online

Salmane 76 - nynorsk 1938 bible

Salmane 76

¹Til songmeisteren, med strengleik; ein salme av Asaf; ein song.

²Gud er kjend i Juda, hans namn er stort i Israel.

³Han bygde si hytta i Salem og sin bustad på Sion.

⁴Der braut han sund ljoni frå bogen, skjold og sverd og ufred. Sela.

⁵Strålande er du, herleg framfor røvarfjelli. /[75]

⁶Dei hjarte-sterke menner hev vorte plundra; dei søv sin svevn, og ingen av kjempone fann sine hender.

⁷Ved ditt trugsmål, Jakobs Gud, vart både vogn og hest djupt svævde.

⁸Du - skræmeleg er du, og kven kann standa for di åsyn når du vert vreid?

⁹Frå himmelen let du høyrast dom; jordi reddast og vart still,

¹⁰då Gud stod upp til dom, til å frelsa alle spaklyndte på jordi. Sela.

¹¹For manne-harm lyt prisa deg; med endå større harm gyrder du deg.

¹²Gjer lovnader og gjev Herren dykkar Gud det de hev lova! Alle som er ikring han, skal koma med gåvor til den Skræmelege.

¹³Han staggar stormodet hjå hovdingar, han er skræmeleg for kongane på jordi.